ყველაზე ცნობილი ბისექსუალები ვარსკვლავები, რომლებიც ყველას უყვარს

ერთსქესიანი სიყვარულისადმი სხვადასხვაგვარი დამოკიდებულება შეიძლება გქონდეს. თუმცა, როგორც ერთხელ ვუდი ალენმა თქვა, „ბისექსუალობა ზრდის შაბათს საღამოს პაემანზე წასვლის შანსებს“ ... თქვენ წინაშე ჰოლივუდის ყველაზე ცნობილი ბისექსუალები არიან, რომელთაც ეს საჯაროდ აღიარეს.

მეგან ფოქსი

„მე ბისექსუალი ვარ, - ღიად ამბობს „ტრანსფორმერების“ ვარსკვლავი, რომელმაც ამ ზაფხულს ჰავაიზე ბრაიან ოსტინ გრინთან იქორწინა, - მაგრამ იმავდროულად ძალიან დიდი ეგოისტი ვარ - არასდროს შევხვდები ბისექსუალს, რადგან ეს იმას ნიშნავს, რომ ის მარტო ქალებთან კი არა, კაცებთანაც წევს. მე კი ამ მხრივ ძალიან ზიზღიანი ვარ და სხვისი ნარჩენების აკრეფა არ მიყვარს. ჩემს ლოგინში მხოლოდ ნამდვილ ლესბოსელს ვიწვევ“ .

ანჯელინა ჯოლი

ანჯელინა ჯოლი ათი წლის წინ ცნობილ ლამაზმანს ჯენი შიმიცს ხვდებოდა. „გამხდარი ქალები ჩემს გემოვნებაში არ ჯდებიან, - აღიარა ერთხელ ანჯელინამ, - მას მერე, რაც ქალებთან შეხვედრა დავიწყე, ვიცი, რა უსიამოვნოა ჯოხის ჩახუტება. სიგამხდრე უკანასკნელია, რაზეც ოცნებობ, როცა საძინებელში შუქს აქრობ“ .



ფერგი

ფერგი ბედნიერია მსახიობ ჯოშ დიუამელთან ქორწინებით, სიამოვნებით იხსენებს ინტერვიუებში იმას, ოდესღაც როგორ აბამდა რომანებს თავისივე სქესის ლამაზმანებთან. „არ დავმალავ, მქონია ასეთი ურთიერთობებიც, - ამბობს ფერგი, - მაგრამ ხანგრძლივი არასდროს ყოფილა... აღმაფრთოვანებს ქალის სხეული, მაგრამ ახლა სულ სხვა ცხოვრება მაქვს, ერთგული ცოლი ვარ და ერთადერთ, საყვარელ მამაკაცს ვეკუთვნი“ .

ლედი გაგა

თავის ბისექსუალობას არც პოპულარული მომღერალი მალავს. ერთ-ერთ ინტერვიუში გულღიად განაცხადა, რომ არა მხოლოდ მამაკაცები იზიდავენ. „მიყვარს სექსი და სულაც არ აქვს მნიშვნელობა, რა სქესისაა ჩემი პარტნიორი, - ირწმუნება გაგა, - თუმცა ჩემს ბოიფრენდებს ეს არ ესმით. მათ აშინებთ ის, რომ მე ქალებიც მომწონს. როგორც კი ამას იგებენ, მაშინვე მოუსვენრობა ეწყებათ, წუწუნებენ, რომ ერთად კარგად ვართ და ჩვენს ურთიერთობებში მესამე არ გვჭირდება“ .



დევიდ ბოუი

„დიახაც, მე ბისექსუალი ვარ, - როკლეგენდამ თავისი სექსუალური ორიენტაცია ერთ-ერთმა პირველმა, XX საუკუნის 70-იან წლებში აღიარა, - ვერ უარვყოფ, რომ აქედან დიდი სარგებელი მინახავს. ის კი არა, მგონი, ეგ საუკეთესო რამ იყო, რაც ცხოვრებაში მომხდარა“ . სუპერმოდელ იმანის ქმარი დღეს ღიმილით იხსენებს იმ დროს: „ჩემს აღიარებას შეცდომად არ მივიჩნევ. მაგრამ ამერიკისთვის ის ცოტა უზნეო აღმოჩნდა. არავითარი სურვილი არ მქონდა, რომ პლაკატები მჭეროდა ხელში ან ადამიანების რომელიმე ჯგუფის წარმომადგენელი ვყოფილიყავი. ვფიქრობ, ამან ხელი შემიშალა ბევრი იმ ოცნების ასრულებაში, რასაც ვგეგმავდი“ .

ლინდსი ლოჰანი

დიჯეი სამანტა რონსონთან ხმაურიანი რომანის შემდეგ (რომელსაც მთელი მსოფლიო ადევნებდა თვალს და რომელიც კინაღამ ქორწინებით დასრულდა), „ჰოლივუდის ყველაზე ცუდი გოგონას“ ბისექსუალობა ეჭვს აღარ იწვევდა. „ერთნაირად კარგად ვგრძნობ თავს ქალებთანაც და მამაკაცებთანაც, - არ მალავს ლინდსი, რომელსაც ადრე მიაწერდნენ რომანებს მსახიობ აერონ კარტერთან და მოდელ კალუმ ბესტთან, - ლესბოსელი არ ვარ. მე ხალხი მიყვარს და ჩემთვის არ აქვს მნიშვნელობა მათ სქ

ესს. თუ დღეს ქალთან ვარ, ეს იმას არ ნიშნავს, რომ ხვალ კაცს არ ავირჩევ“ .

დრიუ ბერიმორი

„მესმის, როცა ქალებს უყვარდებათ ერთმანეთი. ყველაზე ღრმა ქალურ მეგობრობაში ყოველთვის არის ფიზიკური შეყვარებულობა“ , - დარწმუნებულია მსახიობ ჯასტინ ლონგის მეგობარი ქალი, ცნობილი მსახიობი. „და თუ მკითხავთ, მომწონს თუ არა ქალები, გიპასუხებთ, რომ კი, - განაგრძობს მსჯელობას, - მაღელვებენ თუ არა ისინი? დიახ და მეტი რამეც შემიძლია ვთქვა. თუმცა ორდღიან ურთიერთობებზე უფრო გრძელვადიანი და სერიოზული ურთიერთობები გოგონასთან არ გამომსვლია. იქნებ იმიტომ, რომ ამისთვის მამაკაცი უფრო შესაფერისია?“

ბრაიან მოლკო

„მე არც ჰეტეროსექსუალი ვარ და არც ჰომოსექსუალი. მე ვარ თვით სექსი“ , - ერთნაირად მიმზიდველი როგორც ქალებისთვის, ისე კაცებისთვის, ჯგუფ Pლაცებო-ს ლიდერი არ იღლება ტაბლოიდებთან მორიგი გულახდილობით. „ლესბოსელი კაცის სხეულში“ , თვით ბრაიანი ასე უწოდებს ხოლმე თავს და არ ერიდება, კონცერტის დროს თავის გიტარისტ სტეფან ოლსდალსაც მიეალერსოს და თაყვანისმცემელ გოგონებსაც წაეარშიყოს. „თუ ყოველ ჯერზე, ოთახში შესვლის დროს იფიქრებ: „აქ მე ყველას ვუნდივარ“ , მართლაც ასე იქნება და ყველასთვის სასურველი იქნები. ყველაფერი ჩვენს ფიქრებზეა დამოკიდებული“ .

წყარო: reitingi.ge