• ჰოლივუდის ვარსკვლავები, რომლებმაც კარიერა სილამაზის დედოფლობით დაიწყეს

    შოუბიზნესში კარიერის გაკეთება თურმე გაცილებით იოლია, როცა ზურგს რაიმე ხმაურიანი ტიტული გიმაგრებს. თუმცა თუ ნიჭი არ გაქვს, ვერანაირი ტიტული ვერ გიშველის.

    ფერადკანიანი ლამაზმანი ჰოლი ბერის თავბრუდამხვევი კარიერა აქვს ჰოლივუდში, ის პირველი ფერადკანიანი მსახიობი ქალია, რომელმაც „ოსკარი“ მიიღო. თუმცა ტიტულები არც მანამდე აკლდა. ჰოლი „ნორჩი მის ამერიკა-1985“, „მის ოჰაიო-1986“ და „პირველი ვიცე-მის ამერიკა 1986“ იყო. გარდა ამისა, ჰოლი აშშ-ის პირველი აფროამერიკელი წარმომადგენელია „მის მსოფლიოზე“ - 1986 წელს ამ კონკურსზე მეექვსე ადგილი დაისაკუთრა.

    შერონ სტოუნი დღემდე შესანიშნავ ფორმაშია. როგორც ჩანს, არა მხოლოდ ის უწყობს ხელს, რომ ვარჯიშობს, დიეტებს იცავს და თავს უვლის, არამედ ისიც, რომ ადრეული ასაკიდანვე გამოირჩეოდა კარგი გარეგნობით და ხშირად მონაწილეობდა სხვადასხვა სილამაზის კონკურსში. რასაკვირველია, შენიშნეს კიდეც და 1975 წელს „მის პენსილვანიის“ ტიტულის მფლობელი გახდა. თუმცა, რაოდენ გასაკვირიც უნდა იყოს, ამ ზღვარს ვეღარ გასცდა და „მის ამერიკა“ ვერ გახდა.

    Rating

    მიშელ პფაიფერიც შერონის ასაკისაა. მიშელი სხეულს ისე აქტიურად არ აჩენს, როგორც შერონი და არც მისნაირი სექსსიმბოლო ყოფილა ოდესმე, თუმცა ტიტულების რაოდენობით კი „უჯოკრავს“ - მიშელმა ჯერ 1977 წელს მოიპოვა „მის ორანჯის საგრაფოს“ ტიტული, 1978 წელს კი „მის კალიფორნიის“ სილამაზის კონკურსში მიიღო მონაწილეობა და ფინალშიც გავიდა.

    ალბათ ძნელი დასაჯერებელია, მაგრამ მსოფლიოს ერთ-ერთი ყველაზე გავლენიანი ქალი და ყველაზე ცნობილი ტელეწამყვანი ოპრა უინფრი, რომელიც ახლა 48 წლისაა, ერთ დროს თურმე სილამაზის დედოფალი ყოფილა. 1972 წელს ოპრა „მის ტენესის“ ტიტულის პირველი შავკანიანი მფლობელი გახდა.

    Rating

    48 წლისაა ასევე შავკანიანი ვანესა უილიამსიც. როგორც ჩანს, შავკანიან ქალებს კარიერის აწყობის ყველაზე კარგი საშუალება, სწორედ სილამაზის კონკურსებში მონაწილეობა მიაჩნიათ. 1984 წელს ვანესა „მის ამერიკის“ ტიტულის პირველი შავკანიანი მფლობელია.

    ინდოელი აიშვარია რაისთვის სილამაზის კონკურსში გამარჯვება მართლაც „ოქროს ბილეთი“ გახდა.


    მას მერე, რაც 1994 წელს „მის მსოფლიო“ გახდა, მის სილამაზეზე მთელი მსოფლიო ალაპარაკდა და მერე აღიარა ბოლივუდმაც, შემდეგ აიშვარიამ ჰოლივუდის კარიც შეაღო და ცნობილ ფილმებში გადაიღეს. ახლა 37 წლისაა და ასევე ცნობილი ინდოელი მსახიობის ერთგული ცოლია.

    Rating

    კიმ ბესინჯერიც არ არის ცუდ ფორმაში. ერთ დროს ცნობილი სექსსიმბოლო და მრავალი კაცის საოცნებო ქალი, განსაკუთრებით კი „ცხრა-ნახევარი კვირის“ შემდეგ, თურმე ასევე ყოფილი „დედოფალი“ ყოფილა. კიმი 1970 წლის „მის ჯორჯიას“ ტიტულის მფლობელია, ასევე მონაწილეობდა კონკურსში „მის ამერიკა“.

    მსოფლიოს აღიარებული ვარსკვლავი სოფი ლორენი კვლავ ელეგანტური და მომხიბვლელია. სოფი 1950 წელს მონაწილეობდა კონკურსში „მის იტალია“, სადაც მიიღო პრიზი „მის ელეგანტურობა“. აღსანიშნავია, რომ ეს პრიზი ჟიურიმ საგანგებოდ მისთვის დააწესა.


    წყარო: reitingi.ge
    2 107 ნახვა
    10-10-2015, 00:00
    GOGATV

    abezara