• ცნობილების ყველაზე შოკისმომგვრელი დაშორებები

    მონიკა ბელუჩი და ვენსან კასელი

    მათმა ქორწინებამ 14 წელს გასტანა და ორი ქალიშვილი გაუჩნდათ - დევა და ლეონი. დაშორების მიზეზი უცნობია.
    წყვილმა ერთმანეთი 1996 წელს გაიცნო ფილმ "ბინის" გადაღებებზე - სულ ერთად ცხრა ფილმში აქვთ ნათამაშები. წყვილის ურთიერთობები სწრაფად ვითარდებოდა. სამ წელიწადში იქორწინეს კიდეც, თუმცა მონიკამ თავიდანვე გამოაცხადა: "მე ვენსანს პირობა დავადებინე: თითოეულს ჩვენი ცხოვრება გვექნება, არ ღირს ერთმანეთის საზღვრების გადალახვა" . მსახიობი ქალისთვის მნიშვნელოვანი იყო პირადი თავისუფლება და ამბობდა, რომ მას და მის ქმარს ასე უფრო შეეძლოთ ურთიერთობებისა და სიყვარულის შენარჩუნება, ცალ-ცალკე ყოფნით - ვენსანი პარიზში ატარებდა უმეტეს დროს, მონიკა - ხან იტალიაში იყო, ხან ამერიკაში. როგორც აღმოჩნდა, ამგვარმა მიდგომამ ქორწინებას ვერ უშველა და წყვილი ერთმანეთს მაინც დაშორდა.

    არნოლდ შვარცენეგერი და მარია შრაივერი

    ამ წყვილმა 25 წელი იცხოვრა ერთად და ოთხი შვილი გაუჩნდათ. მათი განშორების მიზეზი არნოლდის ღალატი გახდა.
    ახალგაზრდა ავსტრიელმა კულტურისტმა შვარცენეგერმა აშშ-ში ემიგრაციის შემდეგ ჰოლივუდში აიწყო კარიერა და სოლიდურ კლანსაც დაუახლოვდა - 1986 წელს იქორწინა ჯონ კენედის დისშვილ მარია შრაივერზე. ერთად 25 წელი იცხოვრეს, მათი ოჯახი სამაგალითოდ მიიჩნეოდა, მარია გვერდში ედგა არნის მისი გუბერნატორობის პერიოდშიც. თუმცა სკანდალით დაასრულეს - 2011 წელს გაირკვა, რომ არნოლდს ათი წლის წინ გასჩენია უკანონო ბავშვი ერთ-ერთი შინამოსამსახურისგან და ეს ამბავი ახლაღა ამოტივტივდა. წყვილი ერთმანეთს დაშორდა, რადგან მარიამ ვერ აპატია ქმარს ღალატი და ტყუილი, რომელშიც ამდენი წელი ცხოვრობდნენ.

    Rating

    ვანესა პარადი და ჯონი დეპი

    ერთად 14 წელი იყვნენ და ორი შვილი გაუჩნდათ - ლილი როუზი და ჯეკი. დაშორების მიზეზი - ჯონის ახალი რომანი.
    ერთმანეთი 1998 წელს პარიზში გაიცნეს, ერთ-ერთ წვეულებაზე. ჯონი გიჟურად იყო შეყვარებული. კეიტ მოსთან და ვაინონა რაიდერთან ბოჰემური ურთიერთობების შემდეგ ეს მისი პირველი სერიოზული გრძნობა იყო, რომელმაც


    ოჯახის შექმნა გადააწყვეტინა. "როცა ვანესა დავინახე, მისი თვალები, მივხვდი, რომ ჩემი მარტოხელა ცხოვრება დასრულდა" , - იხსენებდა მოგვიანებით. წყვილი შესანიშნავად იყო ერთად, ჯონი სამაგალითო მეოჯახე აღმოჩნდა, თუმცა ბოლომდე მაინც ვერ გაძლო. 2010 წელს ფილმ "რომის დღიურების" გადაღებებზე მსახიობ ამბერ ჰერდს გაუმიჯნურდა და მის გამო ოჯახიც დაანგრია.

    Rating

    ჰაიდი კლუმი და სილი

    ამ უცნაურმა წყვილმა, რომელსაც ურჩხულსა და მზეთუნახავს ეძახდნენ, ერთად შვიდი წელი გაატარა. სამი შვილი გაუჩნდათ - ჰენრი, ჯოჰანი და ლუ. დაშორების მიზეზი, სავარაუდოდ, სილის ღალატია.
    ერთმანეთი 2004 წელს გაიცნეს. არადა, მაშინ ტოპმოდელი ბიზნესმენ ფლავიო ბრეატორესგან შვილს ელოდებოდა. თუმცა რამდენიმე თვეში მომღერალმა სილმა ორსულ ქალს ხელი სთხოვა. იქორწინეს კიდეც და სილი თავის სამ შვილთან ერთად ზრდიდა ჰაიდის პირველ შვილს. მათ საკმაოდ კარგი ურთიერთობები ჰქონდათ, ორივეს უყვარდა ერთმანეთი, ერთ-ერთ ყველაზე კოლორიტულ წყვილად მიიჩნეოდნენ, თუმცა მოულოდნელად, 2012 წელს გამოაცხადეს, რომ შორდებოდნენ. როგორც აღმოჩნდა, სილი, მიუხედავად იმისა, რომ ასეთი მშვენება ჰყავდა გვერდით, მაინც "დაძვრებოდა" ქალებში. ჰაიდიმ არ აპატია. დაშორდა და... თავის პირად მცველთან გააბა რომანი.

    Rating


    წყარო: reitingi.ge
    1 722 ნახვა
    10-10-2015, 00:01
    GOGATV

    abezara