• "სხვა დედებზე მეცინებოდა, როცა შვილებზე ასე ამბობდნენ, მაგრამ მეც ასე ვარ..."

    ნობილი სერიალის, "ჩემი ცოლის დაქალების" ოთხშვილიან ნინას - ანი ტყებუჩავას, რეალურად მხოლოდ ერთი გოგონა, წლის და 7 თვის ნენე ჰყავს. მასთან სწორედ მისი ცხოვრების უმნიშვნელოვანეს ადამიანზე ვისაუბრეთ, მისი გმირი - ნინა, დედის ასპექტშიც განვიხილეთ.

    - ნენე წლის და 7 თვის გახდა. ბავშვებთან ურთიერთობა ნაკლებად უწევს, იმიტომ, რომ იშვიათად მივდივართ მის თანატოლებთან. სხვა დედებზე კი მეცინებოდა, როცა საკუთარ შვილებზე ასე ამბობდნენ, მაგრამ მართლა მგონია, რომ საზრიანი ბავშვია თავის ასაკთან შედარებით. გენეტიკა მართლა საოცარი რამეა, როცა შვილს აჩენ და მერე სხვა ბავშვებს უყურებ, მაშინ ხვდები ამას. პედაგოგები რომ ამბობდნენ, ბავშვი ოჯახის სარკეაო და ჩვენ რომ გვეცინებოდა, თურმე მართლა ასე ყოფილა. გენეტიკა ძალიან მნიშვნელოვანია და ძალიან რთულია მისი შეცვლა, თუკი რამე არ მოგწონს... აქედან გამომდინარე თუ გინდა, კარგი შვილი გყავდეს, საკუთარ თავს უნდა მიხედო, ვინც ჯერ მშობელი არაა, ჩემგან ეს რჩევა მიიღონ (იცინის).
    ნენე იზრდება და იცვლება დღითიდღე, სულ რადმენიმე დღის წინ უფრო მშვიდი და გაწონასწორებული გახდა. აქამდე ღამე რომ მოშივდებოდა ხოლმე, წუწუნს იწყებდა, ახლა კი გაიღვიძებს და პირდაპირ მამას ეძახის: "მამააააა, მნია, მნიაააა". ის აჭმევს ხოლმე ღამით და მას მიმართავს პირდაპირ. ჩემი მეუღლე ადგება და ნენე მშვიდად ელოდება თავის ულუფას. აქამდე როცა საწოვარა გადმოუვარდებოდა პირიდან, ტირილს იწყებდა, ახლა კი კითხულობს: "სოსა ალ ალი?" რაც უფრო იზრდება, ნაკლებად "საშიში" ხდება. პატარა რომაა და ვერ გაგებინებს, რა უნდა, რთულია და გეშინია. ახლა და ახლა კი ყველაფერს გვაგებინებს და ჩვენც მშვიდად ვართ. ეს დღეები სახლში ვართ მეც და ჩემი მეუღლეც და მოსწონს, რომ ყველა ერთად ვართ.

    - აპირებ ბაღში შეყვანას?
    - აუცილებლად, ვფიქრობ, ყველა ის ეტაპი უნდა გაიაროს, რაც ჩვენ გავიარეთ. მე ბაღი ძლიან კარგად მახოვს და მგონია, რომ სკოლამდე ბავშვს აუცილებლად სჭირდება. 12 შვილი რომ მყავდეს, შეიძლება მერე დავფიქრებულიყავი, ღირს თუ არა ბაღში მიყვანა, იმიტომ, რომ ჩავთვლიდი, ბავშვებთან ურთიერთობა იცის, მაგრამ ნენესთვის ეს აუცილებლია. რომ ამბობენ ხოლმე, მეორე ბავშვი სჭირდება პირველს განვითარებისთვისო, სადღაც მართალია, სჭირდება თანატოლი, რომ ეთამაშოს. ბაგაში არ მივიყვან, არ მაქვს ამის აუცილებლობა, მაგრამ მერე შევიყვან, ვეცდები, არ დაისტრესოს და იმედია, მასაც მოეწონება.

    - მეორე შვილი ახსენე, ხომ არ აპირებ გაჩენას?
    - სურვილი მაქვს და აუცილებლად გავაჩენ, მაგრამ მინდა, რომ ნორმალურ დროს გავაჩინო. ერთია შენ რას ფიქრობ და მეორეა, როგორ მიდის შენს გარშემო ცხოვრება. სერიალის გუნდთან ერთი-ორჯერ კი ვიხუმრე ამ თემაზე, მაგრამ ნინამ რომ


    მეხუთე გააჩინოს, ეს როგორ იქნება არ ვიცი, ამ საკითხსაც ვუწევ ანგარიშს და ვნახოთ, როგორ იქნება.

    - გყავს ძიძა, დამხმარე, თუ ოჯახის წევრების გარემოცვაში იზრდება ნენე?
    - ბებიები, განსაკუთრებით ჩემი მეუღლის დედა ძალიან მეხმარება, ორივე ბებია ჩვენთან ახლოს ცხოვრობს და ამ მხრივ კომფორტში ვართ, ვერ ვიყოფთ ხოლმე ნენეს (იღიმის). ეგოისტურად თუ ვიმსჯელებთ, ძიძა მშობლისთვის შეიძლება მეტი კომფორტი უფრო იყოს, თუნდაც იმ მხრივ, რომ შენ ისვენებ თუ არა, ძიძა მაინც გყავს და გეხმარება. მე როცა ვისვენებ, ვცდილობ, ბავშვი მე მყავდეს და ყველაფერი მე გავუკეთო, მაგრამ ვფიქრობ, ყველანაირ ძიძას ბებია ჯობია, მიუხედავად იმისა, რომ არსებობენ მართლა ძალიან კარგი ძიძები.




    - ანა, ახლა ცოტა ჯანმრთელობაზე ვისაუბროთ. რაც შეეხება აცრებს, უკეთებ გეგმიურად? რომელს ანიჭებ უპირატესობას - ფასიანს, თუ უფასოს?
    - დავდივართ ჩვეულებრივ უბნის პოლიკლინიკაში და აცრებსაც ვიკეთებთ იქ,  თანხა არასდროს გადამიხდია, ანუ ესაა სახელმწიფო აცრა. ბევრი არ უკეთებს ბავშვს აცრას და საკმაოდ კარგი არგუმენტებიც მოჰყავს, თითქოს მესმის კიდეც მათი, მაგრამ ვერ წარმომიდგენია, რომ არ ავცრა ბავშვი, ყველა გეგმიური აცრა გაკეთებული გვაქვს და მიხარია, რომ ახლა ბოლოს გავიკეთებთ და 5 წლამდე დავისვენებთ. ნენეს ფუმფულა ფეხში ნემსი რომ შეჰყავთ, ჩემთვის ძალიან დამთრგუნველია, მგონია, რომ რაღაცას ვუშავებ, მაგრამ სხვაგვარად არ შეიძლება. ზოგადად, ეს აცრების საკითხი არ მინდა გავართულო, ესაა ჩვენი ქვეყნის რეალობა და ვფიქრობ, ჩათრევას ჩაყოლა ჯობია, ამიტომაც ყველაფერს ვაკეთებ ისე, როგორც მოცემულობა მოითხოვს. ჩვენ ძალიან კარგი ექიმი გვყავს, ყოველთვის ყურადღებას გვაქცევს და ვენდობი. თავად ნენეს დიდად არ მოსწონს პოლიკლინიკაში მისვლა, მიუხედავად იმისა, რომ სახლში ვცდილობთ, ფონენდოსკოპით ვითამაშოთ და შევაჩვიოთ ამ ყველაფერს, მაგრამ იქ სასწაულ ამბავს ატრიალებს, თან თუ ცოტა მოშივდა და ძილიც დააკლდა, საერთოდ.

    - ნენე თუ აღგიქვამს ეკრანზე და რა რეაქცია აქვს ხოლმე?
    - ზაფხულის შემდეგ მიხვდა, რომ ტელევიზორშიც დედაა. თუ მე სახლში არ ვარ და ამ დროს ეკრანზე ვჩანვარ, იტყვის: დედაააა, და გარბის კარისკენ, ჰგონია, რომ მივედი, მაგრამ თუ სახლში ვარ, მაშინ, "დედა, ეთი, მეორე" – ასე ამბობს. ასე აღიქვამს მისი გონება... საერთოდ, არაა ემოციური, დიდი ხნითაც რომ დამიტოვებია, ვთქვათ, საზღვარგარეთ რომ წავსულვარ, დიდ ემოციებში არ ყოფილა, გაბუტულუვით შეიძლება დაგხვდეს. მეგონა, რომ დავბრუნდებოდი გამოვარდებოდა და მომეფერებოდა, მაგრამ დინჯად, უემოციოდ შემხვდა და მერე დამიწყო პრანჭვა, გააკეთა ყველაფერი, რაც ისწავლა, გაწვა იატაკზე, თავი დამადებინა მეც მაგიდის ქვეშ, იყო ერთ ამბავში...

    - ნინას, როგორც დედას, როგორ აფასებ? ან რამდენად ჰგავხარ?
    - მგონი ნაკლებად ვგავარ, იმიტომ რომ ნინა, როგორც დედა, ცოტა ზედაპირულად უყურებს ბავშვების აღზრდას, მისთვის მთავარია, შვილები ვინმეს ჰყავდეს, სურვილი აქვს, აუცილებლად ჰყავდეს ძიძა, უფრო თავისუფლად ზრდის... ბავშვები რაღაცას რომ დააშავებენ, მერე ახსენდება, რომ ის უნდა ეთქვა და ესწავლებინა შვილებისთვის, ისე გამოდის, რომ ბავშვები თვითონ არიან კარგები და წესიერები გენეტიკურად.

    - ნინას ახალი ძიძის მიმართ როგორია შენი მოსაზრება?
    - ვიღაცას ეწერა ძალიან კარგი კომენტარი ამასთან დაკავშირებით, ასეთი ძიძა რომ მყოლოდა, ერთ თვეში გავიზრდებოდიო (იღიმის). დღეს ძიძის მიმართ ალბათ ბევრი კითხვის ნიშანი არსებობს, ალბათ მაყურებელი ფიქრობს, თუ ასეთი მკაცრია, ნინა და დათო რატომ არ უშვებენ სამსახურიდან, ან რატომ არ ჰქონდა დათოს რეაქცია, როცა ბიჭები სახლიდან გაყარაო... ალბათ თავად მშობლები ხვდებიან, რომ მათ შვილებს სჭირდებათ მკაცრი ხელი და ამიტომ ანდობენ ბავშვებს. იქიდან გამომდინარე, რომ ძიძის პერსონაჟი ახლახან შემოვიდა, ცოტა ადრეა იმის განხილვა, კარგია თუ ცუდი, ჯერ ბოლომდე არ განვითარებულა სიუჟეტი მის ასპექტში, ნელ-ნელ გაირკვევა, რატომ ენდნენ და რატომაც დაიტოვეს.

    - თვითონ ბავშვებისთვის ძიძა კარგია თუ ცუდი?
    - ცუდი ნამდვილად არააა, იმიტომ, რომ მასთან ურთიერთობით ბავშვების ტანჯავს ვერ ვხედავ, მე მომწონს მისი მიდგომები, უხეში და ბოროტი არაა, საკმაოდ თბილი ადამიანი ჩანს, უბრალოდ, ჯერ წესრიგს ამყარებს. ბავშვები თავისუფლად არიან მიშვებულები და ალბათ თვლის, რომ თავიდან ასეა საჭირო. მერე, როცა საერთო ინტერესები ჩამოუყალიბდათ, უფრო რბილი გახდა, მერე და მერე უკეთ გაიცნობენ ერთამენთს და დამეგობრდებიან, არ არიან ჯეკო და ტასო რთული ბავშვები, რომ ძიძებს ვერ უგებდნენ, თავად ძიძაც საინტერესო პერსონაჟია და ნანუკა ხუსკივაძე ხომ არაჩვულებრივი მსახიობია.


    წყარო: ambebi.ge
    1 395 ნახვა
    29-11-2015, 23:38
    GOGATV

    abezara