• "გამოფენა პედოფილებისთვის"-მოსკოვში საზოგადოებამ მოითხოვა ამერიკელი ფოტოგრაფის გამოფენის დახურვა

    "გამოფენა პედოფილებისთვის"და "ბავშვთა პორნოგრაფია"-ასე უწოდეს გამოფენას საზოგადოების უმეტესობამ, რომელიც მოსკოვის "ძმები ლიუმერების თანამედროვე ფოტოგრაფიის ცენტრში" გაიმართა.


     


    ამერიკელი ფოტოგრაფის, ჯონ სტერჯესის ნამუშევრების დათვალიერების შემდეგ ზოგიერთმა ინტერნეტმომხმარებელმა აღნიშნა, რომ ფოტოზე აღბეჭდილი შიშველი მოზარდი გოგონების სურათები აშკარად პორნოგრაფიული ხასიათისაა.


     


    გამოფენის დამთვალიერებლებმა და საზოგადოების ნაწილმა მოითხოვა დახურონ "გამოფენა პედოფილებისათვის".ამ მოთხოვნას შეუერთდა სენატორი ელენა მიზურინა, მან მიმართა პროკურატურას, "შეისწავლოს საკითხი."


     


    ელენა მაზურინა:"ეს გამოფენა არის ბავშვთა პორნოგრაფიის სახალხოდ დემონსტრირება, რომელიც აკრძალულია რუსეთის ფედერაციის კანონით, ს/ს კოდექსი-242.1"


     


    თუმცა არიან ადამიანები, რომლებმაც აღნიშნეს, რომ სტერჯესის ნამუშევრებში ვერც ბავშვთა პორნოგრაფია აღმოაჩინეს და ვერც პედოფილიის პროპაგანდა.მათ აღნიშნეს, რომ აზრთა სხვადასხვაობის მიუხედავად მისი ნამუშევრები გულგრილს არავის დატოვებს.ზოგმა მას თანამედროვეობის უდიდესი ფოტოგრაფიც უწოდა.


    image


    უნდა აღინიშნოს, რომ სტეჯესი სამშობლოშიც შეიქმნა თავდასხმის ობიექტი.როგორც საზოგადოების, აგრეთვე ქრისტიანული გაერთიანებების და პოლიციის მხრიდანაც.


     


    სტეჯესით გამოძიების ფედერალური ბიურო კი დაინტერესდა.მისი ფოტოალბომები აკრძალეს და ამოიღეს მაღაზიებიდან.თუმცა მას შემდეგ, რაც მის დასაცავად ამერიკის და ევროპის ხელოვანთა ასოციაციები გამოვიდნენ, ყველა ბრალდება მოუხსნეს.


     


    საზოგადოების მხრიდან მუქარის გამო გამოფენა დროებით დაიხურა.როგორც გამოფენის კურატორმა ნატალია ლიტვინსკაიამ განაცხადა, სტერჯესის ფოტოგამოფენა 25 სექტემბერს განახლდება გაძლიერებული დაცვის თანხლებით.


     


    ამასობაში კი პროკურატურას კიდევ ერთმა ადამიანმა მიმართა.ბავშვთა ომბუდსენმა ანა კუზნეცოვამ.


    image


    წყარო: intermedia.ge
    1 938 ნახვა
    25-09-2016, 23:42
    GOGATV

    abezara