• ჯოლი-პიტის შვილების ძიძა ვარსკვლავური წყვილის ოჯახურ სკანდალებს ამხელს


    ჰოლივუდის ულამაზესი წყვილის შოკისმომგვრელი დაშორების შემდეგ, სასამართლოში ბრედ პიტის ბავშვების მიმართ სასტიკ დამოკიდებულებასაც განიხილავენ. ამ შემთხვევის შემდეგ, პიტების შვილების ძიძამ, ვარსკვლავურ ოჯახში არსებულ არაჯანსაღ სიტუაციაზე კომენტარი გააკეთა.



    მისი თქმით, პიტების სახლში დილიდან - ღამემდე სრული ქაოსი სუფევს, ბავშვები ძალიან დაუმორჩილებლები არიან. ძიძამ განსაკუთრებით უფროსი შვილების, მედოქსის და პაქსის საშინელ ხასიათზე გააკეთა აქცენტი და თქვა, რომ მათი ხასიათი წლიდან წლამდე უარესდება.

    შტატებში წყვილს 6 ძიძა ჰყავდა - თითოეული თითო ბავშვისთვის. ეს იმისთვის, რომ ყოველი ბავშვის სურვილები უფრო კარგად ყოფილიყო გაგებული. დროთა განმავლობაში, რთული სამუშაო გრაფიკის გამო, ძიძების რაოდენობა ორამდე დავიდა. დანარჩენ დროს ბავშვებთან ანჯელინას ძმა - ჯეიმსი ატარებდა, რომელსაც ენჯი ბოლომდე ენდობა და ყოველ თვე შემოსავლის 10 % -ს ურიცხავს ანგარიშზე.



    ძიძის თქმით, ბავშვებს არასოდეს უვლიათ სკოლაში და ისინი სახლში იღებდნენ განათლებას. ტყუპები თითქმის სულ მარტონი იყვნენ, ამიტომ, გარე სამყაროსთან შეგუება და ხალხთან ურთიერთობა ხშირად უჭირდათ ხოლმე.

    რაც შეეხება დისციპლინას, ძიძა ამბობს, რომ ბავშვები ბრედს უფრო უჯერებენ, ვიდრე ანჯელინას, მაგრამ ხშირად


    პიტსაც არ ჰყოფნის ძალა და მოთმინება მათ დასამშვიდებლად. ბავშვებს შუა ღამეს შეეძლოთ გაეღვიძათ და მოულოდნელად მშობლების ლოგინში გადაწოლილიყვნენ. ამის გამო პიტი ხშირად უწევდა ხმას, რასაც ცოლთან ჩხუბი მოჰყვებოდა ხოლმე, რადგან ჯოლის არ სიამოვნებს, როცა მის შვილებს  ვინმე უყვირის... 




    საბოლოოდ კი ბავშვები არასტაბილურ სიტუაციაში იზრდებოდნენ: მშობლებს გამუდმებით დაჰყავდათ ქვეყნიდან ქვეყანაში, ტოვებდნენ დიდი ხნის განმავლობაში ძიძებთან. იმ იშვიათ შემთხვევებში კი, როცა ოჯახი ერთად იკრიბებოდა, ცოლ-ქმარს შეეძლო ნებისმიერ დროს გაეღვიძებინათ ბავშვები, ეჭამათ ნაყინი, ეყურებინათ კინოსთვის, ან უეცრად წასულიყვნენ  სასტუმროში მხოლოდ იმიტომ, რომ მარტოებს უნდოდათ ერთად დარჩენა.


    წყარო: ambebi.ge
    1 671 ნახვა
    27-09-2016, 00:40
    GOGATV

    abezara