15 წლის გოგონა მამაკაცთან საუბრის გამო გაროზგეს
მალის რესპუბლიკის (სახელმწიფო დასავლეთ აფრიკაში) ქალაქ ტომბუქტუს ცენტრში 15 წლის გოგონას ისლამისტმა ექსტრემისტებმა სახალხოდ 60 როზგი დაარტყეს. გოგონა იმისთვის დასაჯეს, რომ ქუჩაში მამაკაცებს დაელაპარაკა. როგორც თვითმხილველი ჟურნალისტებთან საუბარში აცხადებს, ისლამისტთა ჯგუფის წარმომადგენლებმა გოგონა რამდენჯერმე გააფრთხილეს, მამაკაცებთან სახალხოდ საუბარი შეეწყვიტა. თუმცა, გოგონა გაფრთხილებას არ დაემორჩილა.
ეს პირველი შემთხვევა არაა, როდესაც ტომბუქტუში ადამიანებს სახალხოდ როზგავენ. დასავლური პრესა აქტიურად აშუქებდა ივლისში მომხდარ ინციდენტს, როდესაც ბაზარში მამაკაცი ალკოჰოლის მიღებისთვის გაროზგეს. სხეულის დაზიანებები იმდენად მძიმე იყო, რომ მამაკაცი გარკვეული პერიოდი საავადმყოფოში მკურნალობდა. ივნისში ქალი და მამაკაცი კი იმისთვის გაროზგეს, რომ შვილი შეუღლების გარეშე შეეძინათ.
რეგიონს ისლამისტთა ჯგუფი Ansar Dine (”რწმენის მცველები”) აკონტროლებს.
მომზადებულია dailymail.co.uk-ის მიხედვით.
2 179 ნახვა
21-10-2012, 07:04
