აარჩიეთ პარტნიორი თვალის ფერის მიხედვით

ალბათ, ყველამ იცით, რომ თვალები ყველაზე ინფორმაციული წყაროა და ბევრს მეტყველებს მის მფლობელზე. თვალის ფერს შეუძლია ბევრი რამ თქვას თქვენს ხასიათზე, თქვენს შინაგან ენერგეტიკასა და იმაზეც კი, როგორი უნდა იყოს თქვენი მეორე ნახევარი.

მოდი, ჩავიხედოთ ისტორიის სიღრმეებში იმისათვის, რომ გავარკვიოთ, რატომ დაგვაჯილდოვა ბუნებამ სხვადასხვა ფერის თვალებით.

არქეოლოგიური კვლევებით დადგინდა, რომ დედამიწის მკვიდრი მოსახლეობა ოდესღაც თაფლისფერთვალება იყო. ყველაფერი მას მერე შეიცვალა, რაც ერთხელ დედამიწა კომეტას შეეჯახა და თავისი ორბიტა მთლიანად შეცვალა, მასთან ერთად კი კლიმატი.

გამყინვარების პერიოდის დადგომასთან ერთად დადგა ადამიანის გადარჩენისა და მთლიანად მისი პოპულაციის საკითხი - თაფლისფერთვალება ადამიანების ბუნებრივი ენერგია ახლა საკმარისი აღარ აღმოჩნდა იმისათვის, რომ უზრუნველეყო ცხოვრება და კაციობრიობის რიცხობრივი ზრდა.

ცოცხალი ორგანიზმების დასახმარებლად ექსტრემალურ პირობებში მოდის მუტაცია. მუტაციის შედეგად გაჩნდა ადამიანების ახალი ენერგიული ჯიში, რომლებიც უცებ იქცნენ ახალი საქმეების ინიციატორები, საკუთარ თავზე იღებდნენ სხვა ადამიანების ბედზე ზრუნვას და რაც მთავარია... მათ ჰქონდათ ცივი ფერების ფანტასტიკური თვალები: რუხი, ცისფერი, ლურჯი.

რუხთვალება ადამიანების მოჭარბებულმა ენერგიამ დააბალანსა თაფლისფერთვალება ადამიანების არასაკმარისი ენერგია და ადამიანებს ახალ კლიმატურ პირობებში არა მარტო გადარჩენის საშუალება მისცა, არამედ მათი რიცხობრივი ზრდაც განაპირობა.

ღია ფერის თვალების ადამიანებისა და თაფლისფერთვალებიანების ქორწინების შედეგად გაჩნდნენ ადამიანები, რომელთაც სხვა ტონალობის თვალები ჰქონდათ: მწვანე, მორუხო-თაფლისფერი, რუხი-მომწვანო, მომწვანო-თაფლისფერი და მორუხო-მომწვანო-თაფლისფერიც კი...

თანდათანობით ადამიანებმა დაივიწყეს გამყინვარების პერიოდი - კაცობრიობა არსებობის ახალ პირობებს შეეგუა. მაგრამ, თუ დღესაც კარგად დავაკვირდებით, ადვილად შევამჩნევთ ამ ორი ტიპის ადამიანებს შორის სხვაობას: პირველები მიილტვიან ქმედებისკენ, მეორენი კი - მიღებისკენ.

უფრო გასაგებად რომ ვთქვათ, პირველები ცდილობენ გათავისუფლდნენ მოჭარბებული ენერგიისგან, მეორენი, პირიქით, ცდილობენ მიიღონ დამატებითი ენერგია სხვა ადამიანების ძალის ხარჯზე. პირველებს ჩვენ ვუწოდებთ "პოტენციურ დონორებს", მეორეებს - "პოტენციურ ვამპირებს".

ადამიანები, რომლებსაც შერეული ტიპის თვალის ფერი აქვთ (მწვანე, მორუხო-თაფლისფერი და ა.შ.), რთული ენერგეტიკული ორიენტაციის მფლობელები არიან: მათ ვერც დონორებს მივაკუთვნებთ, ვერც ვამპირებს. ეს ადამიანები ამჟღავნებენ ხან პირველის, ხან მეორე ტიპის თვისებას - გააჩნია, "რომელ ფეხზე ადგებიან".

დაწვრილებითი ანალიზი და ყველა ტიპის თვალის ფერის თავსებადობა:

ცისფერი, ლურჯი, რუხი თვალები

მაშ ასე, თუ თქვენი თვალის ფერი ცივია, დაიმახსოვრეთ: ბუნება თქვენგან ენერგიის გამუდმებულ ხარჯვას მოითხოვს. ამიტომაც ლატარიის მოგების იმედი ნუ გექნებათ, ნურც გავლენიანი ადამიანების იმედი ცხოვრებაში. ბედი ყოველი გაღიმებისთვის თქვენგან ძალისა და ენერგიის მაქსიმალურად ხარჯვას მოითხოვს.

ეს თქვენი ხვედრია. და მინდა გითხრათ, ეს ხვედრი მშვენიერია, რადგან თქვენი ენერგია - ეს არის ენერგია მიმართული მიზნისკენ, შეცვალოთ სამყარო. თქვენ ადამიანი-შემოქმედი ხართ, თქვენს ირგვლივ მოძრავი სამყარო კი მხოლოდ მასალაა თქვენი საოცარი ჩანაფიქრების განსახორციელებლად.

თქვენთვის ყველაფერი შეიძლება, ყველაფრის უფლება გაქვთ. ნუ შეგეშინდებათ გარშემომყოფების მხრიდან წინააღმდეგობის გაწევის.

ადამიანები თვალის თბილი ფერით თქვენს ნებისმიერ პროექტს ჭეშმარიტებად მიიღებენ. ისინი ბედნიერები იქნებიან მხოლოდ იმით, რომ თქვენ არსებობთ - ჭეშმარიტების მატარებელი, რომელსაც შეუძლია გაათავისუფლოს ისინი საკუთარი გზის მტანჯველი ძიებისგან.

თანხვედრა

თაფლისფერი თვალების მფლობელი საუკეთესო თანამგზავრი იქნება თქვენი ცხოვრების წარმატებულ გზაზე. მასთან თქვენი ენერგოცვლა იდეალური იქნება: თქვენ სიამოვნებით განაგდებთ მოჭარბებულ ენერგიას, ის სიამოვნებით და მადლიერების გრძნობით მიიღებს მას. ასტროლოგიის მიხედვით, თქვენი თვალები - ეს მზისა და ვენერას შერწყმაა, სატურნის ძალით თანდართული.

ამიტომაც თქვენ დაჯილდოებული ხართ მომხიბვლელობით, მახვილი გონებით, მგრძნობელობით, ტემპერამენტით. თქვენ კონტაქტური ხართ და უამრავი მეგობარი გყავთ. შეიძლება ვიღაცამ თქვას, რომ ფეთქებადიც ხართ, მაგრამ სინამდვილეში ძალიან ადვილად ივიწყებთ წყენას. თქვენს უარყოფით თვისებად შეიძლება ჩაითვალოს ხშირი პრეტენზიები.

თაფლისფერი თვალები

თუ თქვენ თაფლისფერი თვალები გაქვთ, ნუ დაისახავთ მიზანს, რომელიც თქვენგან გადაჭარბებულ ენერგიას მოითხოვს. უმჯობესია, პირველ რიგში, ფსონი ადამიანების მოხიბვლაზე დადოთ. არ ინერვიულოთ, თქვენც შეგიძლიათ შეცვალოთ სამყარო, მხოლოდ იმ განსხვავებით, რომ საკუთარ პროექტებს სხვისი ხელით განახორციელებთ.

დაიმახსოვრეთ: ყოველთვის გექნებათ იმის შეგრძნება, რომ ძალა არ გყოფნით. შესაბამისად, მომხიბვლელობა, კაპრიზულობა და მოთმინების უნარი - თქვენი ცხოვების სამი მთავარი კოზირია. ისწავლეთ მათი ჭკვიანურად გამოყენება და გარშემომყოფები ერთმანეთს შეეჯიბრებიან, რომ ის გააკეთონ, რაც თქვენ გსურთ.

დაიმახსოვრეთ, რომ ცისფერთვალება და რუხთვალება ადამიანები ისწრაფვიან, რომ თქვენში ენერგია ჩადონ: თქვენ შეგიძლიათ ან მიიღოთ, რითაც შვებას იგრძნობთ, ან უარი თქვათ, რითაც მათ სატანჯველს მოუვლენთ. იმისათვის, რომ არ დაუშვათ მოვლენების განვითარების მეორე ვარიანტი, ყურადღება მიაქციეთ თქვენს მომხიბვლელობას.

არ დაუშვათ, რომ იყოთ მოუვლელი, როგორც სამოსში, ასევე ვარცხნილობაში, თუ ეს ტაქტიკური ხაფანგი არ იქნება. ყურადღება მიაქციეთ მეტყველებას: ჟარგონული სიტყვები არ მოგიხდებათ, - გამოიყენეთ, მხოლოდ ზედმიწევნით შერჩეული სიტყვები და ფრაზები, რომლებიც თქვენს იმიჯზე იმუშავებს.

თავსებადობა

თაყვანისმცემლების ზღვაში ცხოვრების თანამგზავრი აირჩიეთ შემდეგი პრინციპით: ვის შეუძლია თქვენთვის მეტი გაიღოს. მოითხოვეთ თუნდაც ყველაზე მსუბუქი მსხვერპლი, ოღონდ სისტემატურად. ეს რჩეულის თქვენთან ცხოვრებას გაახანგრძლივებს.

მეტად საიმედო, ფუნდამენტალური პარტნიორი ოჯახის შესაქმნელად თქვენთვის, რაღა თქმა უნდა, იქნება ცისფერთვალა ან რუხი ფერის თვალის მქონე.

მწვანე თვალები

მწვანე თვალები - ეს ორი ფერის თანაბარი შეხამებაა: ლურჯისა და ყვითლის. თქვენ ორი თანაბარი სიძლიერის ენერგეტიკას ფლობთ - დონორისა და ვამპირის. განსხვავებით მორუხო-თაფლისფერი თვალების მქონეთაგან, თქვენ უკიდურესობაში არასოდეს ვარდებით და ცხოვრებაში ყოველთვის "ოქროს შუალედს" ეძებთ.

ამიტომაც, თუ თქვენ ზურმუხტისფერი თვალის ფერი გაქვთ, ცხოვრებაში თქვენი მიზანია - დაეთანხმოთ საკუთარ თავს. რაზეც არ უნდა ფიქრობდეთ, რასაც არ უნდა აკეთებდეთ, თქვენთვის აუცილებელია ამაყობდეთ საკუთარი აზრებითა და ქმედებებით. თქვენთვის მნიშვნელოვანია, რომ საყვარელი ადამიანები თქვენით კმაყოფილები იყვნენ.

თქვენ ზუსტად იცით, რა თვისებებს უნდა ფლობდეთ თავად და ის ადამიანები, ვინც თქვენს ირგვლივ არიან - მეგობრები, შეყვარებული, მეუღლე თუ სხვა. თუ ადამიანი თქვენს მოთხოვნებს აკმაყოფილებს, მაშინ მისი ერთგული იქნებით მთელი ცხოვრება. მაგრამ ვაი მას, ვინც თქვენს მოთხოვნებს არ დააკმაყოფილებს, მაშინვე (ხშირად კი მიზეზის გარეშე) იძენთ მტრებს.

თანხვედრა

იმისათვის, რომ ქორწინებაში მყოფმა ცხოვრება გაიმარტივოთ, გირჩევთ ცხოვრება თქვენნაირ მწვანეთვალებას დაუკავშიროთ; ასევე მათ, ვის თვალის ფერში მწვანე ტონი ფიგურირებს. თქვენი თვალის ფერი - ეს ვენერასა და ნეპტუნის ენერგიის შერწყმაა.

გიყვართ გულწრფელად და გამორჩეულად ერთგული ხართ მის მიმართ, ვისაც ცხოვრების მეგზურად აირჩევთ. მეგობრები გაფასებენ საიმედოობისა და სიკეთის გამო, მტრებს კი არ უყვარხართ თქვენი პრინციპულობისა და მყარი ხასიათის გამო. თქვენ - კარგი მსმენელი ხართ და თანამოსაუბრეც.

სტაბილური ხართ, მაგრამ ამასთან, წარმოსახვის უნარს მოკლებული სულაც არა. საერთოდაც, თქვენ მიეკუთვნებით ყველაზე წარმატებულ ადამიანთა კატეგორიას.