ელიზაბეტ ტეილორი 125 დოლარად იყიდება
კომპანია Mattel-მა ლეგენდარული მსახიობის, ელიზაბეტ ტეილორის ორი თოჯინა-ბარბი გამოუშვა. ახალი თოჯინები ტეილორის ბიოგრაფიული ფილმის "ლიზი და დიკის" ეკრანებზე გამოსვლას ეძღვნება.
ერთ-ერთი თოჯინა 125 დოლარად არის შეფასებული. სახელად მას ტეილორის ყველაზე დიდი გატაცება - "თეთრი ალმასი" დაარქვეს. მას წითელი ატლასის ლენტით გაფორმებული თეთრი კაბა აცვია, რაც მსახიობის მიერ შიდსით დაავადებულთა დახმარებაზე მიანიშნებს.
მეორე თოჯინა 150 დოლარი ღირს და ელიზაბეტის თვალების პატივსაცემად "იისფერი თვალები" დაარქვეს. მას შავი ატლასის კაბა აცვია და ასეთივე ფერის ხელთათმანებში, სათვალესა და ფეხსაცმელშია გამოწყობილი. თოჯინას ნახევრადძვირფასი ქვების სამკაულებიც აქვს ასხმული. მხარზე მასაც წითელი ლენტი დაამაგრეს, რაც მსახიობის საქველმოქმედო საქმიანობას აღნიშნავს.
ელიზაბეტ ტეილორის სახელს კიდევ რამდენიმე თოჯინა უკავშირდება. პირველი სამი - კომპანია Mattel-მა 2000 წელს გამოუშვა და მათ კლეოპატრას იმიჯი შეურჩია.
მომზადებულია Daily Mail-ის მიხედვით.
ერთ-ერთი თოჯინა 125 დოლარად არის შეფასებული. სახელად მას ტეილორის ყველაზე დიდი გატაცება - "თეთრი ალმასი" დაარქვეს. მას წითელი ატლასის ლენტით გაფორმებული თეთრი კაბა აცვია, რაც მსახიობის მიერ შიდსით დაავადებულთა დახმარებაზე მიანიშნებს.
მეორე თოჯინა 150 დოლარი ღირს და ელიზაბეტის თვალების პატივსაცემად "იისფერი თვალები" დაარქვეს. მას შავი ატლასის კაბა აცვია და ასეთივე ფერის ხელთათმანებში, სათვალესა და ფეხსაცმელშია გამოწყობილი. თოჯინას ნახევრადძვირფასი ქვების სამკაულებიც აქვს ასხმული. მხარზე მასაც წითელი ლენტი დაამაგრეს, რაც მსახიობის საქველმოქმედო საქმიანობას აღნიშნავს.
ელიზაბეტ ტეილორის სახელს კიდევ რამდენიმე თოჯინა უკავშირდება. პირველი სამი - კომპანია Mattel-მა 2000 წელს გამოუშვა და მათ კლეოპატრას იმიჯი შეურჩია.
მომზადებულია Daily Mail-ის მიხედვით.
2 208 ნახვა
26-11-2012, 11:16
