თაკო ჩხეიძე: "თუ დამჭირდა, პლასტიკურ ქირურგს აუცილებლად მივმართავ"
სამოდელო სააგენტოს ხელმძღვანელი, მოდელი თაკო ჩხეიძე ძველ წელს მოდის კვირეულით დაემშვიდობა და კმაყოფილი დარჩა, რადგან თვლის, რომ მოდის მოყვარულებს საინტერესო ჩვენებები წარუდგინა. თავადაც ყოველთვის მოდურად და ეფექტურად გამოიყურება, საკუთარ თავს მოდუნების უფლებას არ აძლევს – იოგას მისდევს, ცურავს, დღის განმავლობაში ბევრ საქმეს აგვარებს. სამი ბიჭის დედა არც სახლშია უქმად და ამიტომაც მუდმივად ტონუსშია. თუ შეატყო, რომ აქტიური ცხოვრება ზედმეტი მოუვიდა, საკუთარ თავს ერთთვიან დასვენებას უწყობს.
– თაკო, პირველ რიგში, გკითხავთ, მოდის კვირეული როგორ შეგიფასეს კოლეგებმა და მოყვარულებმა.
– ლამაზი საღამოები გამოგვივიდა. მოდის მიმდევრებს ეს კვირეული ძალიან მოეწონათ. გაეცნენ ახალ კოლექციებს, მოდის ტენდენციებს და ა.შ. ახალბედა დიზაინერებმაც მიიღეს მონაწილეობა. როგორც იცით, სამოდელო სააგენტო–სტუდია "ჯეო მოდელსის" მფლობელი ვარ. 26 დეკემბერს ამ სტუდიის მოსწავლეებისთვის გამოსაშვები–საქველმოქმედო საღამო გავაკეთე. მოვიყვანეთ 200 უმწეო ბავშვი და მოდელებმა ამ საპატიო სტუმრებისთვის მოაწყვეს ჩვენება. ბავშვებს საახალწლო განწყობა შევუქმენით. მოკლედ, ბევრ რამეში ვარ ჩართული, მაგრამ დეკემბერი განსაკუთრებით აქტიური იყო ჩემთვის.
– ცნობილია, რომ საქმიან ქალს მძიმე რეჟიმი და გამუდმებული მუშაობა ქალურობას აკარგვინებს. თქვენ ისეთ სფეროში ხართ, ეს ნაკლებად გემუქრებათ, მაგრამ მაინც გკითხავთ, რა არის საჭირო იმისთვის, რომ ქალური შარმი შეინარჩუნო?
– ჩემი მაგალითიდან გეტყვით, არის პერიოდი, როცა ყველაფრისგან ძალიან ვიღლები და არაფერი მინდა, მაგრამ ჩემს თავს მოშვების უფლებას არასოდეს ვაძლევ. ქალი ყოველთვის მოვლილი, ფორმაში უნდა იყოს.
– რა მეთოდებს და რეცეპტებს იყენებთ ამისთვის?
– იოგას ვვარჯიშობ, რაც ყველაფერში მეხმარება, თან ვისვენებ და ფორმაშიც ვარ. ვერ ვიტყვი, რომ განსაკუთრებულად, მაგრამ შეძლებისდაგვარად ნამდვილად ვუვლი თავს.
– ძალიან კარგი სახის კანი გაქვთ. რისი დამსახურებაა, გენეტიკის თუ მოვლის?
– გენეტიკასაც დიდი მნიშვნელობა აქვს და, ბუნებრივია, ქალის მონდომებასაც. ვსვამ დიდი რაოდენობით წყალს, რაც კანისთვის კარგია. საკუთარ თავზე მაქვს გამოცდილი, რომ თუ მინდა, კარგად გამოვიყურებოდე, გამოძინებული უნდა ვიყო. მაგრამ ამის ფუფუნება ხშირად არ მაქვს. ფორმის შენარჩუნებაში ვარჯიში და ცურვა მეხმარება.
– ბუნებრივად გამხდარი ხართ თუ წონას დიეტით ინარჩუნებთ?
– ღმერთს მადლობა, წონის პრობლემა არასდროს მქონია და არც დიეტაზე ვყოფილვარ. საკვებს საერთოდ არ ვიზღუდავ, რაც მინდა, ყველაფერს მივირთმევ, მათ შორის – ცომეულს და ტკბილეულს. უბრალოდ ვვარჯიშობ და ფიზიკური აქტივობაც მიწევს, თუნდაც ბავშვების მოვლა ბევრ ენერგიას მოითხოვს, ჩემი სამი ბიჭის გამო სახლში დიდი ხმაურია. შესაბამისად სულ ტონუსში ვარ.
– ალბათ სწორად იკვებებით. როგორ ადგენთ რაციონს?
– სწორი კვება ძალიან მნიშვნელოვანია, მაგრამ ვერასდროს ვიცავ. საზღვარგარეთ როცა ვარ, იქ მეტი თავისუფალი დრო მაქვს იმისთვის, რომ თავს მივხედო. სწორი კვებაა, მიიღო საჭირო მინერალები, წვენები და ბევრი სითხე. ამ წესს კი ნამდვილად ვერ ვიცავ.
– კანის მოსავლელად სახლში მომზადებულ ნიღბებს ნაკლებად ენდობით?
– ვენდობი, მაგრამ ამის დრო არ მაქვს. მირჩევნია, თუნდაც ჩემს კოსმეტოლოგთან წავიდე და მან ჩამიტაროს კანის მოვლის პროცედურები. საერთოდ, ყველა ქალს შეუძლია თავს მოუაროს, როგორც სალონში, ასევე – სახლის პირობებში.
– მავნე ჩვევა თუ გაქვთ?
– მავნე ჩვევაა ალბათ ის, რომ ყავაზე უარს ვერ ვამბობ, ვერც ზუსტად ვიცავ ყველა მოთხოვნას, რაც სრულფასოვანი ჯანსაღი ცხოვრებისთვის არის საჭირო. ვცდილობ, დავაბალანსო – თუ რამდენიმე თვე ძალიან აქტიური რეჟიმით ვცხოვრობ, შემდეგ ერთი თვე მაინც ყველაფერს ვეთიშები და ვისვენებ.
– რომელი ქვეყნის ქალები მოგწონთ სილამაზით, მოვლილობით?
– სკანდინავიელ ქალებს გამოვარჩევდი. დანიელი ქალებით აღვფრთოვანდი, მაღლები და ლამაზები არიან.
– ქართველ ქალებზე რა აზრის ხართ, ევროპელებს ამ კუთხით ბევრად ჩამორჩებიან?
– საქართველოში ამის კულტურა და ტრადიცია ნამდვილად გვაქვს, თუმცა, სამწუხაროდ, იმის გამო, რომ უმრავლესობას უჭირს, ისე სრულფასოვნად მოვლილი ვერ არიან, როგორც ალბათ თავად სურთ. როცა გაჩნდება საშუალო ფენა, მეტი საშუალება იქნება ამისთვის, მაგრამ მაინც ვფიქრობ, რომ ქართველი ქალი მოვლილია.
– თმის ფერის მოდა ხშირად იცვლება, ხან ქერაა მოდური, ხან – ყავისფერი. თქვენ კი მუდმივად ერთი ფერი გაქვთ. არ გიყვართ შეღებვა?
– თმის შეღებვა არ მიყვარს, ფერს არ ვიცვლი. ბავშვობაში შევიღებე, არ მომიხდა და ძალიან გამიჭირდა საკუთარი ფერის დაბრუნება.
– პლასტიკური ქირურგიით გარეგნობის კორექცია რამდენად მისაღებია თქვენთვის?
– მივესალმები პლასტიკურ ოპერაციებს. ქალს გარეგნობის გამო კომპლექსი თუ აწუხებს, მისთვის პლასტიკური ოპერაციით გალამაზება ყოველთვის დიდი ბედნიერებაა. ჯერჯერობით არ მაქვს სურვილი, მაგრამ, როცა დამჭირდება, პლასტიკურ ქირურგს აუცილებლად მივმართავ.
– თქვენი დღის და ღამის მაკიაჟი განსხვავებულია?
– დღისით მაკიაჟს თითქმის არ ვიყენებ, თუ, რა თქმა უნდა, სადმე არ მივდივარ. ყოველთვის ვითვალისწინებ იმას, რომ არსებობს დღის და საღამოს მაკიაჟი. საერთოდ, სარკესთან დიდხანს ტრიალი არ მიყვარს.
– ქალმა სხეულის მოვლას უნდა დაუთმოს მეტი დრო თუ სახისას?
– ორივეს. ფორმაში ყოფნას ბევრი რამ სჭირდება, მაგრამ ადამიანმა ნებისმიერ სიტუაციაში უნდა მოახერხოს, კარგად გამოიყურებოდეს.
– თუკი ფინანსები აქვს, არა?
– რა თქმა უნდა, ფინანსები საჭიროა, მაგრამ თუ მოინდომებს, სახლის პირობებშიც შეიძლება კარგად გამოიყურებოდეს. იმისთვის, რომ ქალი ყოველთვის ლამაზი იყოს, პირადი ბედნიერებაა აუცილებელი. ეს გარეგნობაზე მაშინვე აისახება. ქალს სიყვარული ალამაზებს.
მანანა ნოდია
– თაკო, პირველ რიგში, გკითხავთ, მოდის კვირეული როგორ შეგიფასეს კოლეგებმა და მოყვარულებმა.
– ლამაზი საღამოები გამოგვივიდა. მოდის მიმდევრებს ეს კვირეული ძალიან მოეწონათ. გაეცნენ ახალ კოლექციებს, მოდის ტენდენციებს და ა.შ. ახალბედა დიზაინერებმაც მიიღეს მონაწილეობა. როგორც იცით, სამოდელო სააგენტო–სტუდია "ჯეო მოდელსის" მფლობელი ვარ. 26 დეკემბერს ამ სტუდიის მოსწავლეებისთვის გამოსაშვები–საქველმოქმედო საღამო გავაკეთე. მოვიყვანეთ 200 უმწეო ბავშვი და მოდელებმა ამ საპატიო სტუმრებისთვის მოაწყვეს ჩვენება. ბავშვებს საახალწლო განწყობა შევუქმენით. მოკლედ, ბევრ რამეში ვარ ჩართული, მაგრამ დეკემბერი განსაკუთრებით აქტიური იყო ჩემთვის.
– ცნობილია, რომ საქმიან ქალს მძიმე რეჟიმი და გამუდმებული მუშაობა ქალურობას აკარგვინებს. თქვენ ისეთ სფეროში ხართ, ეს ნაკლებად გემუქრებათ, მაგრამ მაინც გკითხავთ, რა არის საჭირო იმისთვის, რომ ქალური შარმი შეინარჩუნო?
– ჩემი მაგალითიდან გეტყვით, არის პერიოდი, როცა ყველაფრისგან ძალიან ვიღლები და არაფერი მინდა, მაგრამ ჩემს თავს მოშვების უფლებას არასოდეს ვაძლევ. ქალი ყოველთვის მოვლილი, ფორმაში უნდა იყოს.
– რა მეთოდებს და რეცეპტებს იყენებთ ამისთვის?
– იოგას ვვარჯიშობ, რაც ყველაფერში მეხმარება, თან ვისვენებ და ფორმაშიც ვარ. ვერ ვიტყვი, რომ განსაკუთრებულად, მაგრამ შეძლებისდაგვარად ნამდვილად ვუვლი თავს.
– ძალიან კარგი სახის კანი გაქვთ. რისი დამსახურებაა, გენეტიკის თუ მოვლის?
– გენეტიკასაც დიდი მნიშვნელობა აქვს და, ბუნებრივია, ქალის მონდომებასაც. ვსვამ დიდი რაოდენობით წყალს, რაც კანისთვის კარგია. საკუთარ თავზე მაქვს გამოცდილი, რომ თუ მინდა, კარგად გამოვიყურებოდე, გამოძინებული უნდა ვიყო. მაგრამ ამის ფუფუნება ხშირად არ მაქვს. ფორმის შენარჩუნებაში ვარჯიში და ცურვა მეხმარება.
– ბუნებრივად გამხდარი ხართ თუ წონას დიეტით ინარჩუნებთ?
– ღმერთს მადლობა, წონის პრობლემა არასდროს მქონია და არც დიეტაზე ვყოფილვარ. საკვებს საერთოდ არ ვიზღუდავ, რაც მინდა, ყველაფერს მივირთმევ, მათ შორის – ცომეულს და ტკბილეულს. უბრალოდ ვვარჯიშობ და ფიზიკური აქტივობაც მიწევს, თუნდაც ბავშვების მოვლა ბევრ ენერგიას მოითხოვს, ჩემი სამი ბიჭის გამო სახლში დიდი ხმაურია. შესაბამისად სულ ტონუსში ვარ.
– ალბათ სწორად იკვებებით. როგორ ადგენთ რაციონს?
– სწორი კვება ძალიან მნიშვნელოვანია, მაგრამ ვერასდროს ვიცავ. საზღვარგარეთ როცა ვარ, იქ მეტი თავისუფალი დრო მაქვს იმისთვის, რომ თავს მივხედო. სწორი კვებაა, მიიღო საჭირო მინერალები, წვენები და ბევრი სითხე. ამ წესს კი ნამდვილად ვერ ვიცავ.
– კანის მოსავლელად სახლში მომზადებულ ნიღბებს ნაკლებად ენდობით?
– ვენდობი, მაგრამ ამის დრო არ მაქვს. მირჩევნია, თუნდაც ჩემს კოსმეტოლოგთან წავიდე და მან ჩამიტაროს კანის მოვლის პროცედურები. საერთოდ, ყველა ქალს შეუძლია თავს მოუაროს, როგორც სალონში, ასევე – სახლის პირობებში.
– მავნე ჩვევა თუ გაქვთ?
– მავნე ჩვევაა ალბათ ის, რომ ყავაზე უარს ვერ ვამბობ, ვერც ზუსტად ვიცავ ყველა მოთხოვნას, რაც სრულფასოვანი ჯანსაღი ცხოვრებისთვის არის საჭირო. ვცდილობ, დავაბალანსო – თუ რამდენიმე თვე ძალიან აქტიური რეჟიმით ვცხოვრობ, შემდეგ ერთი თვე მაინც ყველაფერს ვეთიშები და ვისვენებ.
– რომელი ქვეყნის ქალები მოგწონთ სილამაზით, მოვლილობით?
– სკანდინავიელ ქალებს გამოვარჩევდი. დანიელი ქალებით აღვფრთოვანდი, მაღლები და ლამაზები არიან.
– ქართველ ქალებზე რა აზრის ხართ, ევროპელებს ამ კუთხით ბევრად ჩამორჩებიან?
– საქართველოში ამის კულტურა და ტრადიცია ნამდვილად გვაქვს, თუმცა, სამწუხაროდ, იმის გამო, რომ უმრავლესობას უჭირს, ისე სრულფასოვნად მოვლილი ვერ არიან, როგორც ალბათ თავად სურთ. როცა გაჩნდება საშუალო ფენა, მეტი საშუალება იქნება ამისთვის, მაგრამ მაინც ვფიქრობ, რომ ქართველი ქალი მოვლილია.
– თმის ფერის მოდა ხშირად იცვლება, ხან ქერაა მოდური, ხან – ყავისფერი. თქვენ კი მუდმივად ერთი ფერი გაქვთ. არ გიყვართ შეღებვა?
– თმის შეღებვა არ მიყვარს, ფერს არ ვიცვლი. ბავშვობაში შევიღებე, არ მომიხდა და ძალიან გამიჭირდა საკუთარი ფერის დაბრუნება.
– პლასტიკური ქირურგიით გარეგნობის კორექცია რამდენად მისაღებია თქვენთვის?
– მივესალმები პლასტიკურ ოპერაციებს. ქალს გარეგნობის გამო კომპლექსი თუ აწუხებს, მისთვის პლასტიკური ოპერაციით გალამაზება ყოველთვის დიდი ბედნიერებაა. ჯერჯერობით არ მაქვს სურვილი, მაგრამ, როცა დამჭირდება, პლასტიკურ ქირურგს აუცილებლად მივმართავ.
– თქვენი დღის და ღამის მაკიაჟი განსხვავებულია?
– დღისით მაკიაჟს თითქმის არ ვიყენებ, თუ, რა თქმა უნდა, სადმე არ მივდივარ. ყოველთვის ვითვალისწინებ იმას, რომ არსებობს დღის და საღამოს მაკიაჟი. საერთოდ, სარკესთან დიდხანს ტრიალი არ მიყვარს.
– ქალმა სხეულის მოვლას უნდა დაუთმოს მეტი დრო თუ სახისას?
– ორივეს. ფორმაში ყოფნას ბევრი რამ სჭირდება, მაგრამ ადამიანმა ნებისმიერ სიტუაციაში უნდა მოახერხოს, კარგად გამოიყურებოდეს.
– თუკი ფინანსები აქვს, არა?
– რა თქმა უნდა, ფინანსები საჭიროა, მაგრამ თუ მოინდომებს, სახლის პირობებშიც შეიძლება კარგად გამოიყურებოდეს. იმისთვის, რომ ქალი ყოველთვის ლამაზი იყოს, პირადი ბედნიერებაა აუცილებელი. ეს გარეგნობაზე მაშინვე აისახება. ქალს სიყვარული ალამაზებს.
მანანა ნოდია
2 544 ნახვა
21-01-2013, 05:58
