• რა უნდა მოიმოქმედოთ, თუ თქვენ ჰიპერსექსუალური ხართ?

    სექსუალური მოთხოვნილებები ხშირად ადამიანთა ურთიერთობაში განმსაზღვრელ როლს თამაშობს. რა თქმა უნდა, სექსი – მთავარი არ არის, მაგრამ იშვიათად შეხვდებით წყვილს, ერთმანეთით სექსუალურად დაუკმაყოფილებელს და ამავე დროს, ბედნიერს.

    გარდა ამისა, სექსი – სიყვარულის გამოვლინების ერთ-ერთი საშუალებაა, და თუ ამაში პარტნიორს არ შეეფერებით ან ერთმანეთის "სიყვარულის ენა" არ გესმით, კონფლიქტები და უკმაყოფილება გარდაუვალია.

    ზოგიერთი სექსუალურ ტემპერამენტს ცხვირის და ფეხის ზომით ან სისხლის ჯგუფის მიხედვით განსაზღვრავს. სავსებით შესაძლებელია, რომ ეს მეცნიერულად დამტკიცებულია, მაგრამ უფრო სარწმუნოა, რომ ყველა ეს პარამეტრი – უფრო იმ გრძელი საზომი ერთეულის ნაწილია, რომელიც სექსუალური ტემპერამენტის შეფასებაში გვეხმარება და რომელსაც ხშირად იყენებენ სექსოლოგები.

    როგორც აღმოჩნდა, სექსუალური ტემპერამენტი თანდაყოლილი თვისებაა. მას გენეტიკურობა განსაზღვრავს და ცხოვრებისეული პირობების ცვლილება მხოლოდ უმნიშვნელოდ აისახება ამა თუ იმ ადამიანის ტემპერამენტზე. სწორედ ამიტომაც მნიშვნელოვანია, რომ პარტნიორებს მსგავსი ტემპერამენტი ჰქონდეთ.

    მეცნიერები ადამიანის სექსუალურ ტემპერამენტს სამ ძირითად ჯგუფად ჰყოფენ: ძლიერი, საშუალო და სუსტი.

    ძლიერი სექსუალური ტემპერამენტი

    ამ ტიპის ტემპერამენტის მქონე ადამიანი აქტიურია და კონტაქტური, განსაკუთრებით საწინააღმდეგო სქესთან მიმართებაში. სქესობრივად ნაადრევად მწიფდება, ამიტომაც სექსუალურ ცხოვრებასაც ადრე იწყებს. სექსი მისთვის – ურთიერთობის აუცილებელი ელემენტია. მას სჭირდება განსაკუთრებული ყურადღება, დიდი დრო, საწოლში კი ძალიან აქტიურია. მისთვის უმნიშვნელოა პრელუდია, ის სიამოვნებას თავად პროცესისგან იღებს. გრძნობა და სინაზე – მისთვის უცხოა. დიდი მნიშვნელობას ანიჭებს შესრულების ტექნიკას და ფინალურ შედეგს. სექსისკენ მიდრეკილება ამ ადამიანებს დიდხანს აქვთ.

    ამ ტიპის ადამიანებს არ შეუძლიათ დიდხანს სექსის გარეშე ცხოვრება. ძლიერი სექსუალური ტემპერამენტის მქონე ქალები, თუნდაც გარეგნული მონაცემებით ან ხასიათით გამორჩეულები არ იყვნენ, მაინც ანდამატივით იზიდავენ მამაკაცებს.

    სექსოლოგები ამტკიცებენ, რომ ამ ტიპის ტემპერამენტს, ჩვეულებისამებრ, ადამიანთა 10% მიეკუთვნება.

    თუმცა სექსით ტკბობის დაუცხრომელი ჟინი შეიძლება იმის მანიშნებელიც იყოს, რომ ეს ადამიანი ურთიერთობის სხვა სფეროებში დაუკმაყოფილებელია. მაგალითად, არ თვლის თავს ვინმესთვის საჭიროდ, არ აქვს მხარდაჭერა და გარშემომყოფებისგან მხოლოდ უმადურობას გრძნობს. ამიტომაც ქალი ან მამაკაცი სექსის მეშვეობით ცდილობს აღადგინოს პოზიციები და პარტნიორისგან ის სიყვარული მიიღოს, რაც მას არ ჰყოფნის.

    რა უნდა მოიმოქმედოთ, თუ თქვენ ჰიპერსექსუალური ხართ?

    პირველ რიგში, უნდა გაერკვეთ ურთიერთობებში. თუ ქალი მამაკაცისგან დაკმაყოფილებული არ არის სხვა სფეროში (ის არ ესაუბრება, არ ზრუნავს მასზე, ვერ უზრუნველყოფს მის ნორმალურ ყოფას), რთულია, თავს აიძულო, სექსით დაკავდე, მით უმეტეს, თუ მამაკაცს მოჭარბებული სექსუალური ტემპერამენტი აქვს. თუ თქვენს პრობლემებს ურთიერთობაში მოაგვარებთ, შესაძლოა, ძლიერი სექსუალური ლტოლვა შენელდეს.

    სუსტი სექსუალური ტემპერამენტი

    ასეთი ადამიანებისთვის სექსი მნიშვნელოვანი არ არის და, ისევე, როგორც ძლიერი სექსუალური ტემპერამენტის მქონეთა რაოდენობა, მათი რიცხვიც 10%-ს არ აღემატება.

    ეს ადამიანები სქესობრივად გვიან მწიფდებიან, შესაბამისად, ძლიერი ინტერესი სქესობრივი ცხოვრების მიმართ და საწინააღმდეგო სქესთან ურთიერთობის მათ არ აქვთ. მათ შეუძლიათ დატკბნენ პარტნიორთან სიახლოვით სხვა სფეროში – საუბრები, უბრალოდ კოცნა, ჩახუტება, საერთო მიზნები და ფასეულობები.

    სექსში ისინი ძლიერი ემოციურობით არ გამოირჩევიან და არც ინიციატივას იჩენენ. ხშირად ორგაზმს ვერ განიცდიან. ამ ტიპის ქალები, ძირითადად, სექსით მხოლოდ "ქმრის ხათრით" კავდებიან და, შესაბამისად, ორგაზმსაც იმიტირებენ.

    დღემდე ბევრი სექსოლოგი ვერ ჩამოყალიბდა სიტყვა "ფრიგიდულობის" განმარტებისას – ზოგიერთი ამას ავადმყოფობად მიიჩნევს, სხვანი – ნორმისგან გადახრად. თუმცა შესაძლებელია, რომ ქალი იმიტომ ვერ განიცდის ორგაზმს ან სექსის მიმართ გულგრილი იმიტომ არის, რომ პარტნიორი ჰყავს შეუმდგარი ან აქვს კომპლექსები და შიშები, რომელიც არ აძლევს საშუალებას გაიხსნას, მოეშვას და დატკბეს საკუთარი თავით, პარტნიორითა თუ თავად პროცესით.

    ამიტომაც ნუ აჩქარდებით დასკვნების გამოტანისას და ყველაფრის თანდაყოლილ ტემპერამენტზე გადაბრალებას. შესაძლოა, პრობლემა სულ სხვა რამეშია.

    რა უნდა გააკეთოთ, თუ სუსტი სექსუალური ტემპერამენტი გაქვთ?

    გაერკვიეთ სექსუალური ლტოლვის არქონის ნამვილ მიზეზებში. თუ თქვენ იმ დასკვნამდე მიხვედით, რომ ეს თანდაყოლილი არ არის, უნდა გაერკვეთ საკუთარ თავში. შესაძლოა, თქვენ სექსი იმიტომ არ გინდათ, რომ წარსულში წარუმატებელი მცდელობა გქონდათ ან საკუთარი თავის გრცხვენიათ; ან იქნებ ძალიან განიცდით რაღაცას?

    თუ თქვენ სერიოზულად გაშინებთ ორგაზმის პრობლემა ან სექსუალური ცხოვრების არქონა, მიმართეთ სპეციალისტს.

    საშუალო სექსუალური ტემპერამენტი

    ასეთ სექსუალურ ტიპს წარმოადგენს ადამიანთა 80%, ანუ აბსოლუტური უმრავლესობა. მათთვის სექსი – ყოველდღიურ რუტინაში პერიოდულად აფეთქებული ვნებაა. ამ ადამიანებს სექსი ჰაერივით არ სჭირდებათ, მაგრამ უმისოდაც ვერ წარმოუდგენიათ ცხოვრება.

    ადამიანები საშუალო სექსუალური ტემპერამენტით სექსისგან არა მარტო ფიზიკურ სიამოვნებას იღებენ, არამედ ემოციურსაც. მათ სჭირდებათ პრელუდია, ემოციებისა და გრძნობის გამოხატვა და არა მხოლოდ სქესობრივი აქტი. ჩვეულებრივ, კვირაში 3-ჯერ – ეს მათთვის სექსის საშუალო რაოდენობაა.

    შესაძლებელია თუ არა ჰარმონიული ურთიერთობის აწყობა, თუ თქვენ სხვადასხვა სექსუალური ტემპერამენტი გაქვთ?

    საერთოდ, უფრო ჰარმონიული ურთიერთობის აწყობა ერთი ჯგუფის სექსუალური ტემპერამენტის მქონეთა შორის ან არა უმეტეს ერთი დონით განსხვავებულებს შორის (მაგალითად, ძლიერი შეესაბამება საშუალოს, საშუალო – სუსტს) არის შესაძლებელი. თუ თქვენი ტემპერამენტი ერთ დონეზე მეტით განსხვავდება, მაშინ დროთა განმავლობაში თქვენ საერთო დონემდე მიხვალთ, რომელიც ორივეს დაგაკმაყოფილებთ.

    სექსუალური ტემპერამენტის შესახებ ცოდნა დაგეხმარებათ, გაგებით მოეკიდოთ პარტნიორს და ამით აერიდოთ ბევრ პრობლემას ურთიერთობაში. რასაც ადრე ფრიგიდულობას ან საწოლში არშემდგარს უწოდებდით, სავსებით შესაძლებელია, ახლა უბრალოდ, სხვა ტიპის სექსუალური ტემპერამენტი აღმოჩნდეს. ამაში დადანაშაულება კი ისევე აბსურდულია, როგორც იმაში, თქვენს პარტნიორს სხვა ფერის თვალი ან თმა რომ აქვს.
    2 794 ნახვა
    21-01-2013, 06:25
    GOGATV

    abezara