ინდოეთის სოფლებში სიყვარულით ქორწინება სასტიკად აკრძალეს

სიყვარულით ქორწინება - ჩვენი საზოგადოების სირცხვილია. ეს მტკივნეულად აისახება ახალგაზრდების მშობლებზე, განსაკუთრებით, გოგონების ოჯახში, რადგან ეს უკანასკნელები საკუთარ რეპუტაციას ლახავენ", - განაცხადა აკრძალვის ერთ-ერთმა ინიციატორმა, სატარ ახმედმა.

ეს ერთადერთი ტაბუ არ გახლავთ, რომელიც სოფლის ხელმძღვანელებმა დააწესეს. ყველა გოგონას და ქალს 40 წლამდე ეკრძალება საზოგადოებაში თანმხლები პირის გარეშე გამოჩენა. ასევე, ქალი ვალდებულია ატაროს თავშალი და არ აქვს მობილური ტელეფონით სარგებლობის უფლება.

ყველა ამ დრაკონულ კანონს უხუცესები სოფლის მოსახლე ქალების უსაფრთხოებაზე ზრუნვით ხსნიან.

თუმცა ამ ახსნა-განმარტებებმა ქალი-აქტივისტები ვერ შეაჩერეს ვერც სოფელში და ვერც მის გარეთ. სრულიად ინდოელ ქალთა დემოკრატიული ასოციაციის ხელმძღვანელის, მადხუ გარგის სიტყვებით, ქვეყნის მთავრობა ვალდებულია, დაუყოვნებლივ მიიღოს ზომები და ჩაერიოს ამ სოფლის შუასაუკუნეებისდროინდელი წესების აღმოფხვრაში, - წერს The Times of India.