ვარუმი და აგუტინი ბედიანის ბავშვთა სახლისთვის იმღერებენ

გამოაქვეყნა: tatuli
//
06 თებერვალი 2013
//
//
//
ნახვები: 451
ვარუმი და აგუტინი ბედიანის ბავშვთა სახლისთვის იმღერებენ
ბედიანის ბავშვთა სახლის დასახმარებლად თბილისის დიდ საკონცერტო დარბაზში ანჟელიკა ვარუმი და ლეონიდ აგუტინი საქველმოქმედო კონცერტს გამართავენ.

საქველმოქმედო კონცერტების ორგანიზატორი დათო ოქიტაშვილია. მისი თქმით, რუსეთის ესტრადის ვარსკვლავური წყვილი კონცერტს 4 აპრილს ფილარმონიაში გამართავს. საქველმოქმედო კონცერტების გამართვას საფუძველი საქართველოს კათალიკოს-პატრიარქის, ილია მეორის ლოცვა-კურთხევით გასულ წელს ჩაეყარა. ”ამბები.გე” დავით ოქიტაშვილს ესაუბრა.

- ვარუმისა და აგუტინის კონცერტამდე სხვა საქველმოქმედო კონცერტიცაა დაგეგმილი…
- დიახ,15 მარტს საქველმოქმედო კონცერტს თამრიკო გვერდწითელი და დიმიტრი დუჟევი გამართავენ. ამავე საღამოს დიდი საკონცერტო
დარბაზის წინ თამარ გვერდწითელის ვარსკვლავიც გაიხსნება. თამრიკო ესტაფეტას უკვე აგუტინს და ვარუმს დაუთმობს, რომლებიც კონცერტს 4 აპრილს გამართავენ. შემოსული თანხა ბედიანის ბავშვთა სახლს გადაეცემა.

- როგორი იქნება რეპერტუარი?
- ისინი ცნობილ ჰიტებს შეასრულებენ. მე ვიცი, რომ მომღერლებსაც მოენატრათ საქართველო და ქართველებსაც ენატრებათ აგუტინ-ვარუმის წყვილი. ისინი ბოლოს საქართველოში გასტროლზე 15 წლის წინ იმყოფებოდნენ.

რაც შეეხება საქველმოქმედო კონცერტების ციკლს, ის გასულ წელს ვალერი მელაძის კონცერტით დაიწყო. კონცერტები თამარ გვერდწითელმა, მიშელ ლეგრანმა, ანრის ლიეპამ, ნატო გელაშვილმა და თემურ თათარაშვილმა უკვე გამართეს.

გიორგი ბერიძე
Popular Login Last More