ახალ ვარსკვლავს ნინი ბადურაშვილი შეარჩევს

მომღერალი ნინი ბადურაშვილი ბავშვს ელოდება, თუმცა აქტიურად არის ჩართული მუსიკალურ პროექტებში. ნინი ახალი სეზონიდან "რუსთავი 2"-ის ეთერში გადაცემა "საქართველოს ვარსკვლავის" ჟიურის შემადგენლობაშია და ახალ ვარსკვლავებს ზაზა შენგელიასა და მიშა მშვილდაძესთან ერთად შეარჩევს. "საქართველოს ვარსკვლავის" წინა სეზონის გამარჯვებული ლუკა ზაქარიაძე გახდა, იმხანად ჟიურიში ნინო ქათამაძე, ნიკა მემანიშვილი და ნინო ხოშტარია იყვნენ.

ნინი ბადურაშვილი: - შემოთავაზება "რუსთავი 2"-ის ხელმძღვანელობისგან მივიღე და დავთანხმდი. ეს ძალიან დიდი პასუხისმგებლობაა, რადგან ყველა სწორად უნდა შეაფასო და ყველა დეტალზე გაამახვილო ყურადღება. ძალიან კარგი თაობა მოდის და ეს

მახარებს. ბევრი ადამიანია, რომელსაც აქვს შანსი და ყველა მონაცემი, ვარსკვლავი გახდეს.

- ზაზა შენგელიასთან და მიშა მშვილდაძესთან მუშაობა მოგწონთ?
- ზაზას დიდი ხანია ვიცნობ, ერთადაც გვიმუშავია, ის თავისი საქმის პროფესიონალია. მიშა მშვილდაძეს ძალიან კარგი იუმორი აქვს, რაც უხდება შოუს და, რაც მთავარია, სწორად აფასებს კონკურსანტებს.



თამარ ბოჭორიშვილი