ყველაზე უცნაური გინესის რეკორდსმენები

გინესის მსოფლიო რეკორდების წიგნში მოხვედრა დიდი პატივია. გთავაზობთ გინესის ყველაზე უცნაურ რეკორდსმენებს.

1. ყველაზე დიდი მკერდი: ჯორჯიის შტატში მცხოვრები ენი ჰავკინსი მსოფლიოში ყველაზე დიდი მკერდის პატრონია. მისი მკერდი ბუნებრივია და 50 კილოგრამს იწონის. ის ორი შვილის დედაა.

2. ყველაზე ტატუირებული ქალი: ეს ტიტული ბრიტანეთში მცხოვრებ იზაბელ ვარლის ეკუთვნის. მას ტიტული 2000 წელს მიანიჭეს.

ვარლიმ პირველი სვირინგი 40 წლის ასაკში გაიკეთა და მას შემდეგ სისტემატურად სტუმრობს სალონებს სხეულის მოსახატად. ქალბატონს დაახლოებით 200 სვირინგი აქვს. იზაბელის სხეულის 76 პროცენტი მოხატულია.

"ჩემი სხეული სვირინგებითაა სავსე, მაგრამ ტატუს არასდროს გავიკეთებ სახეზე, ფეხისგულზე, ყურებსა და ხელის თითებზე", - ამბობს ის.

3. ყველაზე გრძელი ფეხები: 41 წლის რუს სვეტლანა პანკრატოვას მსოფლიოში ყველაზე გრძელი ფეხები აქვს. სვეტლანა სიმაღლეში 195 სანტიმეტრია და მხოლოდ მისი ფეხების სიგრძე 132 სანტიმეტრს შეადგენს. მისი ტიტულია "მსოფლიოში ყველაზე გრძელი ფეხები", თუმცა "მსოფლიოში ყველაზე მაღალი ქალის" წოდება მას არ ეკუთვნის.

მაღალი ტანისა და გრძელი ფეხების გამო ქუჩაში გადაადგილება სვეტლანასთვის პრობლემაა - ყველა ჩერდება და მას აკვირდება, თუმცა ცდილობს, უცნობი ადამიანების გაოცებულ სახეს ყურადღება არ მიაქციოს. მას ფეხსაცმლის შეძენაც უჭირს. სვეტლანა 46 ზომა ფეხსაცმელს ხმარობს.

4. ყველაზე გრძელი პენისი: ნიუ-იორკში მცხოვრებ 42 წლის ჯონა ფალკონს მსოფლიოში ყველაზე გრძელი პენისი აქვს. მისი პენისის სიგრძე 24 სანტიმეტრია. ჯონა პროფესიით მსახიობია, მაგრამ თვლის, რომ კარიერაში წარმატებას ნიჭით და არა - პენისით მიაღწია.

ჯონას პენისის გამო ხშირად ემართება კურიოზები. ყველა შარვალში უხერხულად გამოიყურება, ერთნაირად იპყრობს როგორც კაცების, ისე ქალების ყურადღებას.

ყველაზე სახალისო ინციდენტი 2012 წელს შეემთხვა. სან-ფრანცისკოს აეროპორტში დაცვის წევრებმა იფიქრეს, რომ მამაკაცს არარეგალური ”ტვირთი” გადაჰქონდა და საცვალში ჰქონდა დამალული.

5. ყველაზე მეტი პლასტიკური ოპერაცია: ამერიკელი სინდი ჯექსონი საკუთარი ბუნებრივი სილამაზით არ დაკმაყოფილდა და ნახევარი ცხოვრება საოპერაციო მაგიდაზე გაატარა.

მისი შრომა ნამდვილად დაფასდა, რადგან გინესის რეკორდების წიგნში საპატიო ადგილი დაიკავა. ქალბატონმა მსოფლიოში ყველაზე მეტი პლასტიკური ოპერაცია გაიკეთა.

ის პლასტიკური ქირურგის დანის ქვეშ 52-ჯერ იწვა და საერთო ჯამში 62 000 გირვანქა სტერლინგი დახარჯა. პირველი ოპერაცია 1987 წელს გაიკეთა.

სინდის გაკეთებული აქვს: ცხვირის, თვალის ჭრილის, მუხლის, წელის, მუცლისა და ბარძაყის ლიპოსაქცია, ყბის ქირურგია, ტუჩისა და ლოყის იმპლანტი და ნიკაპის ძვლის დასაპატარავებელი ოპერაციები.

6. მსოფლიოში ყველაზე მაღალი ვირი: მსოფლიოში ყველაზე მაღალი ვირი ტეხასში ცხოვრობს. ვირის, სახელად რომულუსის სიმაღლე 172 სანტიმეტრია. ყველაზე სახალისო ისაა, რომ მისი პატრონი კარა იელოტი მასზე დაბალია.

7. ყველაზე გრძელი ენა: კალიფორნიაში მცხოვრებ 21 წლის ჩანელ ტაპერს მსოფლიოში ყველაზე გრძელი ენა აქვს. გოგონას ენის სიგრძე 9.75 სანტიმეტრია.


მომზადებულია thesun.co.uk-ის მიხედვით.