"დედოფალი თამარა მოსკოვს კიდევ ერთხელ იპყრობს" - გვერდწითელის ემოციური "ჰერიო, ბიჭებო" +ვიდეო

თამარ გვერდწითელმა 12 აპრილს მოსკოვში, საკონცერტო დარბაზ "კროკუს სიტი ჰოლში" კონცერტი გამართა. "დედოფალი თამარა მოსკოვს კიდევ ერთხელ იპყრობს" - ასე გამოეხმაურა რამდენიმე რუსული გამოცემა სახალხო არტისტის საღამოს, რომელმაც ტრადიციისამებრ, ანშლაგით ჩაიარა. გვერდწითელმა საკუთარი რეპერტუარიდან, ცნობილ სიმღერებთან ერთად, რამდენიმე ქართული სიმღერაც შეასრულა.

"ვფიქრობ, რომ როდესაც ამ ბალადას უსმენ, ყოველი ადამიანი იხსენებს თავის სამშობლოს, თავის სახლს, პირველ მეგობრებს და საერთოდ, ყველაფერ კარგს, რაც გვაქვს თითოეულს ცხოვრებაში", - ამ სიტყვებით დაიწყო მომღერალმა გია ყანჩელის სიმღერის, "ჰერიო, ბიჭებოს" შესრულება.