როგორ მოჰყვება BMW-ს მეწველი ძროხა, ანუ ეროვნული ყიდვა-გაყიდვის თავისებურებანი

გამოაქვეყნა: admin
//
25 აპრილი 2013
//
//
//
ნახვები: 1716
როგორ მოჰყვება BMW-ს მეწველი ძროხა, ანუ ეროვნული ყიდვა-გაყიდვის თავისებურებანი

მე მანქანებში ვერ ვერკვევი, ისე ვერ ვერკვევი, რომ ანტიფრიზი ცხვირში ჩასაწვეთებელი წამალი რომ არ იყო, ორი კვირის წინ შევიტყვე. ეს მაშინ, როდესაც ახლობელმა ინტერნეტში მანქანის მოძებნა მთხოვა. ავტომობილი ვერ მოუძებნე, სამაგიეროდ ტრანსპორტის ყიდვა-გაყიდვის საიტებზე ისეთ განცხადებებს წავაწყდი, რომ სტატია გამოვიდა:

  • "იყიდება წითელი "ნისანი" 2.500 დოლარად. დამტვრეულია, თუმცა იდეალურ მდგომარეობაშია".

 

  • "იყიდება "მერსედესი" 4.000 დოლარად. განბაჟებული და გერმანიიდან 20 დღის ჩამოყვანილი, მანქანა დამტვრეულია, ავარიამდე იდეალურ მდგომარეობაში იყო".

 

  • "იყიდება "ჯიპ ჩეროკი". არ ინანებთ, იმდენს არ წვავს, რამდენსაც ამბობენ. მანქანას მოჰყვება ბრილიანტის ბეჭედი და 20-ლიტრიანი ღვინო".

 

  • "ჰონდა პრელუდის" ვყიდი უმატოროდ. იდეალურ მდგომარეობაში. ფული მჭირდება, თორემ მეც ჩავაყენებდი მატორს".

 

  • "იყიდება განბაჟებული "ბე-ემ-ვე" 4.000 დოლარად. მოჰყვება მეწველი ძროხა. ძროხაზე მორიგება შესაძლებელია".

 

  • "ზაქროს "ბე-ენ-ვე" ჩვენი წინაპრების დროს არის გამოშვებული, მაგრამ მაინც ჯანზეა. უბრალოდ "გლუშიტელი" აქვს გაფუჭებული, რადგან ზაქრო ზამთარში ბავშვს ციგით აბამდა ავტომობილზე. დაკარგულია მანქანის გასაღები და დანით იქოქება. არ ეწევა შუშები. არაა რა ცუდი მანქანა, ივლით, ბოლო-ბოლო "ბე-ენ-ვეა", ჩავარდნილი აქვს ტორმუზის პედალი, მაგრამ ვალერა გაგიკეთებთ 20 ლარად".

 

  • "იყიდება "აუდი". ქალის ნაქონი. თუმცა ამან არ შეგაშინოთ, რადგან კაცივით ხმარობდა".


თამარ ბოჭორიშვილი
ყოველკვირეული გაზეთი "ყველა სიახლე"

Popular Login Last More