• ბავშვების პლასტიკური ოპერაციები მოდაში შემოდის

    თუმცა, რასაკვირველია, ყველაფერში ზომიერებაა საჭირო და ბუ­ნების შეცვლის მცდელობებსაც აქვს ზღვარი.

    ერთ-ერთი მიუწვდომელი, მაგრამ სილამაზის ძალიან სასურველი იდეალი, აგერ, უკვე მრავალი წელია, თოჯინა ბარბია. პლასტიკატის ლამაზმანი და ბევრი პატარა გოგონას საოცნებო სათამაშო მოზრდილი ქალებისთვისაც იქცა მიბაძვის ობიექტად. ზოგიერთი მათგანი მზად არის, ათასობით დო­ლარიც კი დახარჯოს საშიშ პლასტიკურ ოპერაციებზე, ოღონდ კი ბარბის დაემსგავსოს.

    ერთ-ერთი ასეთი მიმბაძველია სარა ბერჯი. ქალი უკვე 50 წლისაა - ცნობილი თოჯინას თანატოლი. ბარბის 50 წლის იუბილეზე, რომელიც 2009 წელს იზეიმეს, სარა მსოფლიოში ერთადერთ ქალად იქცა, რომელსაც "ნამდვილი ცოცხალი ბარბი" უწოდეს.

    ქალმა გარდასახვაზე 500 ათასი დოლარი დახარჯა. 26-მა პლასტიკურმა ოპერაციამ მასში, პრაქტიკულად, ყველაფერი შეცვალა - სახიდან ფეხამდე. ცხვირი დაუპატარავეს, ყვრიმალები აუწიეს, ნიკაპის ხაზი და სახის ოვალი შეუცვალეს, მკერდი გაუდიდეს. ამას დაემატა კანის დაჭიმვა და ლიპოსაქცია.

    ცოტა ხნის წინ ცნობილი გახდა, რომ ქალს სურს, მისი 7 წლის ქალიშვილიც ბარბის დაემსგავსოს და დრო რომ ფუჭად არ დაკარგოს, გადაწყვიტა, ბავშვს ახლავე დაუწყოს პლასტიკური ოპერაციები. უახლოეს პერიოდში გოგონას ელის მკერდის გადიდება და ლიპოსაქცია. გარდა ამისა, ბავშვს დღეში ოთხი საათი ავარჯიშებენ, რომ ნამდვილი თოჯინასავით მოიქცეს.

    სარამ თავისი გეგმების შესახებ ერთ-ერთ თოქშოუში ისაუბრა. საზოგადოება კი იმედოვნებს, რომ არ გამოჩნდება ისეთი პლასტიკური ქირურგი, რომელიც გაბედავს ამგვარი ოპერაციების გაკეთებას პატარა გოგონასთვის და დაარწმუნებს დედას, ბავშვის სრულწლოვანებამდე მაინც მოიცადოს.

    2 762 ნახვა
    23-08-2012, 22:14
    GOGATV

    abezara