• მამულიჩა: "მე და ლელა ტერორისტების სიაში შეგვიყვანეს"

    მომღერალ ლელა წურწუმიას უკვე წლებია, რუსეთის საელჩო ვიზას არ აძლევს და ბუნებრივია, იმ მიწვევებზეც, რომელსაც რუსეთიდან მუდმივად იღებს, უარის თქმა უწევს. "ამბები.გე" კომენტარისთვის მომღერლის პროდიუსერს, კახა მამულაშვილს დაუკავშირდა.

    - კახა, გავრცელდა ინფორმაცია, რომ რუსეთი ლელა წურწუმიას ვიზას არ აძლევს. რატომ?
    - ჩვენც ამის დადგენა და გარკვევა გვინდა. 2008 წლამდე 2-წლიან ვიზას სულ გვაძლევდნენ. ერთხელაც მივედით და უარი გვითხრეს. იმის მერე რამდენჯერაც მივმართეთ, უარით გვისტუმრებდნენ, პასპორტს უკან გვიბრუნებდნენ. როდესაც დავინტერესდით, თუ რა იყო ამის მიზეზი, პასუხი ვერ მივიღეთ. ეჭვი გვაქვს, რომ ლელა წურწუმია შავ სიაშია შეყვანილი. აბა, სხვა რა უნდა იყოს? არადა, 6 წლის განმავლობაში არაერთი მიწვევა გვაქვს იქიდან მიღებული ცნობილი ადამიანებისგან, რომ არაფერი ვთქვა ქართველ ემიგრანტებზე, მაგრამ რუსეთის საელჩოს წყალობით, იმ ადამიანების გაწბილება გვიწევს. უნდა გითხრათ, რომ ლელა რუსეთში ძალიან უყვართ, მაგრამ არ აქვთ საშუალება, რომ მოუსმინონ და მის კონცერტს დაესწრონ.

    - რუსეთში ბოლოს ვინ მიგიწვიათ?
    - ალსუს მეუღლეს უნდოდა, რომ ჩავსულიყავით... მაგრამ ხომ გითხარით, ვერ მივდივართ.

    - ეს ყველაფერი, ალბათ, პოლიტიკის ბრალია... თქვენ ხომ მიშა სააკაშვილის მხარდამჭერები იყავით...
    - მიშა სააკაშვილის მხარდამჭერები კი ვიყავით, მაგრამ ვერ ვიტყვი, რომ ყველაფერი პოლიტიკის ბრალია. უამრავი ადამიანია, ვინც მას მხარს უჭერდა, მაგრამ მათთვის რუსეთში წასვლა საელჩოს არ აუკრძალავს... ეტყობა, ჩვენ ტერორისტების სიაში შეგვიყვანეს და ეგ არის...

    - პირადად შენც დაგიბრუნეს პასპორტი?

    - ჩემი პასპორტი არ მიმიტანია, რომ მომცენ კიდეც, მარტო ხომ არ წავალ?! ასე რომ, კიდევ ერთხელ ბოდიში იმ ადამიანებს, ვინც გულით გვეპატიჟება რუსეთში, მაგრამ იქ ჩასვლას ვერ ვახერხებთ.

    ლალი ფაცია

    წყარო

     

     

    3 790 ნახვა
    18-07-2013, 07:01
    GOGATV

    abezara