• „მის მსოფლიო თინეიჯერის“ მეორე ადგილის მფლობელი ქართველი გოგონა გახდა

    ვებ-გვერდ missgeorgiacountry-ის ინფორმაციით, 19 აგვისტოს, გვატემალაში სილამაზის საერთაშორისო კონკურსი "მის თინეიჯერი 2012" გაიმართა. კონკურსის გამარჯვებული დომინიკის რესპუბლიკის წარმომადგენელი გახდა. მეორე ადგილი კი ქართველმა გოგონამ დაიკავა.

    საქართველოს კონკურსზე სამოდელო სააგენტო "კატრინის" მოდელი, "მის თინეიჯერი საქართველო 2012" ლიდია ჩხაიძე წარადგენდა. ქართველი გოგონა სამშობლოში გამარჯვებული დაბრუნდება, მან მე-2 ადგილი დაიკავა.

    კონკურსის ფინალურ შოუზე სპეციალური სტუმრის სტატუსით 2 ქართველი მომღერალი: ნინი შერმადინი და ქეთი ორჯონიკიძე იყვნენ მიწვეული. დაჯილდოვების ცერემონიალი გაიხსნა სიმღერით - "თბილისო".

    "მის თინეიჯერი საქართველო" უკვე მესამე წელია ტარდება სამოდელო სააგენტო "კატრინისა" და ეკა მგალობლიშვილის ორგანიზატორობით. 2010 წელს, საქართველოს წარმომადგენელი მარიამ დონაძე ტოპ-10 გოგონას შორის მოხვდა. 2011 წელს საქართველო ასევე 10 საუკეთესო კონკურსანტს შორის დასახელდა.
    4 108 ნახვა
    25-08-2012, 06:41
    GOGATV

    abezara