დედამთილი ბავშვის ''დნმ'' -ის ანალიზის გაკეთებას მთხოვს

მე და ჩემს მეუღლეს სიგიჟემდე გვიყვარდა ერთმანეთი, მაგრამ სამი წლის წინ ანევრიზმით მოულოდნელად გარდაიცვალა. მეგონა, ამ ამბავს ვერ გადავიტანდი, მაგრამ ჩემი ერთადერთი შვილი, ხუთი წლის თორნიკე დამეხმარა მდგომარეობიდან გამოსვლაში.

ბავშვს რომ ვუყურებდი, სიცოცხლე მინდოდა და თვითმკვლელობაზე ფიქრს ვივიწყებდი. გეგას დაკრძალვის შემდეგ საცხოვრებლად ჩემს მშობლებთან გადავედი. იმ სახლში ყველაფერი მეუღლეს მახსენებდა.

ვიფიქრე, რომ ცოტა ხანს დედასთან ვიქნებოდი, სანამ ტკივილი ოდნავ მაინც გამინელდებოდა, შემდეგ კი ისევ დედამთილთან დავბრუნდებოდი. ერთი წლის განმავლობაში რამდენჯერმე ვიყავი სტუმრად.

ბავშვი ბებიის სანახავად მივიყვანე, მაგრამ ყველა მისვლაზე ჩემი გათხოვილი მული შვილებით იქ მხვდებოდა. თავიდან ვიფიქრე, რომ დედის სანუგეშებლად ხშირად დადიოდა, მაგრამ მერე ერთმა ნათესავმა დამირეკა და მითხრა, რომ დედა-შვილი სახლში ჩემს შეშვებას აღარ აპირებდა.

ამ ზარიდან ერთ კვირაში დედამთილმა დამირეკა და მითხრა, რომ ბავშვი მის გარდაცვლილ შვილს არ ჰგავდა და თუ გენეტიკურ ანალიზს არ გავუკეთებდი, სახლში აღარ დავბრუნებულიყავი. იმის შემდეგ მდგომარეობიდან ვერ გამოვდივარ.

ყველა მეუბნება, რომ ბავშვს ანალიზი გავუკეთო და დედამთილს თავისი არ გავატანინო, მაგრამ მე ხომ ვიცი, რომ ანალიზის გაკეთებას არც საკუთარ თავს ვაკადრებ და არც გარდაცვლილი ქმრის სულს. ეს დედამთილმაც ძალიან კარგად იცის და არაჩვეულებრივი გზა მოძებნა ჩემ მოსაშორებლად.