ჰოროსკოპის რომელ ნიშანს ელის რომანტიკული თვე სექტემბერში

ვერძი: მიზანდასახული და მიზანსწრაფული ხართ. ბიზნესი და ფინანსები: ინტუიციის კარნახით იმ საქმეს ჩაუდგებით სათავეში, რაც წარმატებას მოგიტანთ. ფინანსებით ახლობლები დაგეხმარებიან. ფული შესაძლოა საზღვარგარეთიდანაც მიიღოთ.

ჯანმრთელობა

კარგი პერიოდია სხეულის კორექციისთვის, ზედმეტი წონის დასაკლებად. მეტი ყურადღება მიაქციეთ გულს. 17 სექტემბრის შემდეგ შეამცირეთ ალკოჰოლისა და სიგარეტის დოზა.

სიყვარული და ოჯახი

პირად ცხოვრებაში სტრესული სიტუაციები დადებითი, ხანმოკლე რომანტიკული პერიოდებით შეიცვლება; მაგრამ ნუ იდარდებთ - ნამდვილ, ხანგრძლივ სიყვარულს ცოტა ხანში შეხვდებით.

კურო: ჯანსაღი ცხოვრების წესი და შემოქმედებითი საქმიანობა.

ბიზნესი და ფინანსები

შემოქმედებითი საქმიანობა გამდიდრების არა, მაგრამ უზრუნველად ცხოვრების საშუალებას მოგცემთ. კარგი პერიოდია უცხოელ კოლეგებთან კონტაქტების დასამყარებლად.

ჯანმრთელობა

სახლისთვის შეიძინეთ ტრენაჟორი და შინ ივარჯიშეთ. დაიცავით დიეტა და ჯანსაღი საკვებით იკვებეთ.

სიყვარული და ოჯახი

მოაგვარეთ ურთიერთობა საყვარელ ადამიანთან. გაარემონტეთ სახლი და შეიძინეთ საოჯახო ნივთები. გაათავისუფლეთ სახლი უსარგებლო ნივთებისგან.

ტყუპი: მოაგვარეთ ურთიერთობა უფროსთან და მშობლებთან.

ბიზნესი და ფინანსები

საქმეებს უკეთესად გაართმევთ თავს, თუ უფროსისგან მხარდაჭერას მიიღებთ. მოაგვარეთ ურთიერთობა კოლეგებთან. შეადგინეთ გრაფიკი და მიხედეთ მცირე საქმეებს.

ჯანმრთელობა

გათავისუფლდით მავნე თვისებებისგან. საჭეს ნასვამი ნუ მიუჯდებით. მოერიდეთ მგზავრობას შორ მანძილზე.

სიყვარული და ოჯახი

მშობლებთან ომს ნუ გააჩაღებთ. შეეცადეთ, დაარეგულიროთ მათთან ურთიერთობა. შემოქმედებითი იდეების განხორციელებაში შვილები დაიხმარეთ. მოიწესრიგეთ პირადი ცხოვრება.

კირჩხიბი: გართობა და დასვენება ცხოვრების წესად აქციეთ.

ბიზნესი და ფინანსები

საქმეების პარალელურად ხშირად მოგეცემათ მეგობრებთან ერთად დასვენებისა და წვეულებებზე წასვლის შანსი. არ გამოაკლდეთ არც ერთ ღონისძიებას. ახალი ნაცნობობა, გართობა და სასიამოვნო დაღლა გელით.

ჯანმრთელობა

ენერგიული და აქტიური ხართ, მაგრამ დასვენებასაც ნუ დაივიწყებთ.

სიყვარული და ოჯახი

ფინანსური საკითხების მოგვარებაში ოჯახის წევრები დაგეხმარებიან. თქვენ სასარგებლოდ მოგვარდება უძრავი ქონების საკითხიც. ნუ გამოიბამთ შვილებს კალთაზე, მიაჩვიეთ დამოუკიდებელ ცხოვრებას.

ლომი: მატერიალური მდგომარეობა საშუალებას მოგცემთ შეიძინოთ ყველაფერი, რაც კი მოგეწონებათ.

ბიზნესი და ფინანსები

სარგებლობას ნახავთ ვაჭრობის სფეროში. გაგიუმჯობესდებათ მატერიალური მდგომარეობა. კარგი პერიოდია ცოდნის გასაღრმავებლად. სწავლასა და კარიერაში წარმატებას მიაღწევენ სტუდენტი-ლომები.

ჯანმრთელობა

გაუფრთხილდით გულსა და ნუ გადაძაბავთ თვალებს.

სიყვარული და ოჯახი

დაარეგულირეთ ურთიერთობა საყვარელ ადამიანთან. განაახლეთ ინტერიერი. საშუალება მოგეცემათ, შეიძინოთ (გამოცვალოთ) ავტომობილი, ელ. ტექნიკა. ბავშვები მოარიდეთ საშიშ საგნებს.

ქალწული: დასახულ მიზნებს უპრობლემოდ მიაღწევთ.

ბიზნესი და ფინანსები

7 სექტემბრის შემდეგ აყვავების პერიოდი დაგიდგებათ, ინტუიციის წყალობით წინასწარ განჭვრეტთ ფინანსური ოპერაციების შედეგებს და მოგებული დარჩებით. უმნიშვნელო შეცდომებსაც კი მარტივად მოაგვარებთ.

ჯანმრთელობა

ჯანმრთელი და ენერგიული ხართ. თქვენი ერთადერთი საზრუნავია - კარგად გამოიყურებოდეთ და ყოველთვის ფორმაში იყოთ.

სიყვარული და ოჯახი

აქტიური კარიერული საქმიანობის მიუხედავად, პირად ცხოვრებასაც აიწყობთ. საკუთარ თავში დარწმუნებული ხართ და პარტნიორს უაზრო პრეტენზიებით კი არ შეაწუხებთ, კონკრეტულ მოთხოვნებს წაუყენებთ.

სასწორი: მნიშვნელოვან კონფლიქტებსაც კი უპრობლემოდ მოაგვარებთ.

ბიზნესი და ფინანსები

შემოსავალი გაგეზრდებათ და ფულის შემოდინება ყოველკვირეულად გაიზრდება. გადახედეთ გასულ წელს და ახალი ციკლის დაწყებამდე (22 სექტემბერი) შეეცადეთ დაშვებული შეცდომების გამოსწორებას. ყურადღება მიაქციეთ ქვითრებსა და საბუთებს.

ჯანმრთელობა

სერიოზული პრობლემები არ გემუქრებათ. უბრალოდ, ნუ გადაიღლებით.

სიყვარული და ოჯახი

სექტემბრის ბოლოს მცირე კონფლიქტი გელით მეგობრებთან. უფრო სწორად - გაუგებრობა, მაგრამ თუ თავს ღირსეულად დაიჭერთ, მრავალწლიან მეგობრობას გადაარჩენთ.

მორიელი: დაფიქრდით, კონკრეტულად რისი მიღწევა გსურთ და იმოქმედეთ.

ბიზნესი და ფინანსები

ენერგიულიც ხართ და ლიდერის თვისებებიც გაქვთ, - ეს კი წარმატებული საქმიანობის საწინდარია. შემართებით იმოქმედეთ. სხვათა შორის, სწორედ სამსახურში შეიძლება შეხვდეთ იმ ერთადერთსა და განუმეორებელს, ვისაც ამდენ ხანს ელოდით.

ჯანმრთელობა

უფროსებთან კამათი თქვენს სულიერ მდგომარეობაზეც აისახება, მაგრამ განტვირთვის მიზნით ნუ მიეძალებით სასმელს.

სიყვარული და ოჯახი

რომანტიკული თვე გელით. წვეულებებსა და მეგობრულ შეხვედრებზე უყურადღებოდ არ დარჩებით და თითო თაყვანისმცემელს ყველგან გაიჩენთ.

მშვილდოსანი: ტყუილად ნუ გარისკავთ.

ბიზნესი და ფინანსები

საქმეების შესრულებისას ნუ აჩქარდებით. შეცდომის თავიდან ასაცილებლად კოლეგების საქმეებიც გადაამოწმეთ. გახსოვდეთ, ყველა კითხვასა და საქციელზე თქვენ მოგეკითხებათ პასუხი.

ჯანმრთელობა

ნერვები დაძაბული გაქვთ. გულს გაუფრთხილდით. მეტი დრო გაატარეთ ბუნებაში; დაივიწყეთ მავნე ჩვევები. თვის ბოლოს მოგზაურობას ნუ დაგეგმავთ.

სიყვარული და ოჯახი

ამ თვეში მნიშვნელოვან გადაწყვეტილებებს ნუ მიიღებთ. თუ მეუღლე თქვენთვის ძვირფასია, ცუდი სიტყვითა და საქციელით გულს ნუ ატკენთ. გაუფრთხილდით ურთიერთობას ნათესავებთანაც.

თხის რქა: ფინანსურ კრიზისში ხართ. იმაზე მეტს ხარჯავთ, ვიდრე გაქვთ.

ბიზნესი და ფინანსები

ფინანსები ეკონომიურად ხარჯეთ. იმ მდგომარეობას, რაზეც თქვენ ოცნებობთ, მხოლოდ დეკემბერში მიაღწევთ. მანამდე ნუ დაიგროვებთ ვალებს. თქვენს ცხოვრებაში ახალი ეტაპი იწყება და ძველი ცხოვრებიდან ვალებს - დაუსრულებელ საქმეებს, ურთიერთობებს - ნუ გაიყოლებთ.

ჯანმრთელობა

ნერვებს ცურვა დაგიმშვიდებთ, მაგრამ გაფრთხილდით, არ გაიციოთ კიდურები.

სიყვარული და ოჯახი

ახლობლებს დახმარებაზე უარი არ უთხრათ. შესაძლოა, მეუღლეს ბიზნესის საქმეებიც თქვენი მოსაგვარებელი გახდეს. საერთო საქმე უფრო დაგაახლოებთ.

მერწყული: თუ წარმატების მიღწევა გსურთ, უნდა აჩქარდეთ.

ბიზნესი და ფინანსები

უამრავ საქმიან წინადადებას შემოგთავაზებენ. შესაძლოა, ღამეების თენებაც კი მოგიწიოთ, მაგრამ გაგიმართლებთ და თვის ბოლოს გამარჯვებული დარჩებით. შესაძლოა, დიდ თანამდებობას ვერ გამოჰკრათ ხელი, მაგრამ დაფასება და ფულადი პრემია გარანტირებული გაქვთ.

ჯანმრთელობა

აქტიური და ენერგიული ხართ, მაგრამ ექსტრემალური სპორტისა და ტრიუკებისგან თავი შეიკავეთ.

სიყვარული და ოჯახი

რაოდენ გასაოცარიც უნდა იყოს, საქმეებისა და ვალდებულების მიუხედავად, დროს საყვარელი ადამიანისთვისაც გამონახავთ. თქვენი მისდამი კეთილგანწყობა უამრავ ბედნიერ წუთს გაჩუქებთ.

თევზები: შეგიძლიათ ისარგებლოთ! ყოველდღიურად გაიზრდება თქვენი წარმატებას შანსი.

ბიზნესი და ფინანსები

სამსახურის ან საქმიანობის შეცვლა დადებითად იმოქმედებს თქვენზე, მაგრამ კონკურენტებს რომ აჯობოთ, ბევრი უნდა იშრომოთ. ფულს უცხოეთიდან მიიღებთ.

ჯანმრთელობა

ყურადღება მიაქციეთ თირკმელებს და ჩაიტარეთ მასაჟის კურსი.

სიყვარული და ოჯახი

ისეთი განცდა დაგეუფლებათ, თითქოს ყველამ (ნათესავ-ნაცნობიანად) თქვენს სახლში მოიყარა თავი. საყვარელ ადამიანებთან გატარებული სასიამოვნო საღამოები დიდხანს შეგიქმნით კარგ განწყობილებას.