ღამენათევი და ატირებული მრევლი მამა გაბრიელის წმინდა ნაწილების მოლოცვის მოლოდინში +ვიდეო
3 061 ნახვა
სამთავროს ფერიცვალების დედათა მონასტერთან, მამა გაბრიელის წმინდა ნაწილებთან მიახლების მოლოდინში, ქვეყნის სხვადასხვა კუთხიდან ჩამოსულმა მრევლმა რამდენიმე საათი გაატარა.
მონასტრის მიმდებარე ტერიტორია სპეციალური ჯებირებით იყო შემოსაზღვრული, წესრიგს სამართალდამცავები იცავდნენ. მოქალაქეები მონასტერში შეშვებას ითხოვდნენ, თუმცა ბევრმა მათგანმა ეს ვერ მოახერხა.
ტაძრის ტერიტორიაზე უშვებდნენ შეზღუდული შესაძლებლობების მქონე პირებს, ასევე სასულიერო პირებს და იმ სამოქალაქო პირებს, რომლებსაც სპეციალური საშვი აქვთ. გავრცელებული ინფორმაციით, სამთავროს დედათა მონასტერში შესასვლელად დაახლოებით 600-მდე საშვი საპატრიარქოს მიერ გაიცა, თუმცა, ამის შესახებ საპატრიარქოს პრესსამსახურში განმარტება არ გაკეთებულა.
ავტორები: ელენე ცინცაძე, ნინო ჭანია
