"ბინძური ცეკვები" ყინულზე - ფრანგი მოციგურავეების საჩუქარი ფიგურული სრიალის მოყვარულებს +ვიდეო

სოჭში ფიგურულ სრიალში შეჯიბრების დასრულების შემდეგ გალა-კონცერტი გაიმართა, სადაც მედალოსნებთან ერთად, ოლიმპიადის სხვა მონაწილე მოციგურავეებიც გამოვიდნენ. მათ შორის იყო ფრანგი წყვილი ნატალი პეშალა და ფაბიან ბურზა, რომლებმაც ცეკვებში მეოთხე ადგილი დაიკავეს. ნატალიმ და ფაბიანმა ფილმიდან "ბინძური ცეკვები" ცნობილი ცეკვა გააცოცხლეს.

27 თებერვლიდან 13 მარტის ჩათვლით ციურიხში, ლოზანაში, დავოსში, ჰელსინკსა და სტოკჰოლმში ცნობილი შოუ ART ON ICE გაიმართება, სადაც მონაწილეობას, სხვა ცნობილ მოციგურავეებთან ერთად, ნატალი და ფაბიანიც მიიღებენ. აღსანიშნავია, რომ ამ შოუში ქართველი პიანისტი ხატია ბუნიათიშვილიც დაუკრავს.