ხატია ბუნიათიშვილის და შვეიცარიელი მოციგურავის შთამბეჭდავი წარმოდგენა ცნობილ შოუზე - Art on Ice +ვიდეო
2 019 ნახვა
27 თებერვლიდან 13 მარტის ჩათვლით ციურიხში, ლოზანაში, დავოსში, ჰელსინკსა და სტოკჰოლმში ცნობილი შოუ - Art on Ice იმართება, რომელშიც მონაწილეობას მსოფლიოს გამორჩეული მოციგურავეები იღებენ. ფიგურული სრიალის შოუს, მუსიკალურად აფორმებენ ცნობილი მუსიკოსები, მათ შორისაა ქართველი პიანისტი ხატია ბუნიათიშვილი.
ხატია ერთი კვირის განმავლობაში დაუკრავს ყველა კონცერტზე, გარდა ლოზანაში გამართული შოუებისა. მის აკომპანიმენტზე იცეკვებენ ფრანგი წყვილი ნატალი პეშალა და ფაბიან ბურზა, რუსი ოლიმპიური ჩემპიონები ტატიანა ვოლოსოჟარი/მაქსიმ ტრანკოვი და სხვა ცნობილი ფიგურისტები.
27 თებერვალს ციურიხში გამართულ პირველ კონცერტზე, ხატიას დაკრულზე ცნობილმა შვეიცარიელმა მოციგურავემ სტეფან ლამბიელმა ისრიალა. ქართველი პიანისტი არაჩვეულებრივად გამოიყურებოდა საკმაოდ თამამ, წითელ კაბაში. ლამბიელისა და ბუნიათიშვილის შთამბეჭდავ დუეტს დარბაზი დიდხანს უკრავდა ტაშს.
ART ON ICE 1995 წელს დაარსდა და მასში მიწვეულნი იყვნენ ისეთი ცნობილი მუსიკოსები, როგორებიც არიან: მონსერატ კაბალიე (1997 წელი), ვანესა მეი (1999 წ), კრის დე ბურგი (2000 წ), გლორია გეინორი (2002 წ), სილი (2005 წ), ლიზა სტენსფილდი (2006 წ), კეტრინ ჯენკინსი (2013 წ) და სხვ.
