ვლადიმირ კლიჩკოს ვარჯიშზე ფეხსაცმელი ესროლეს +ვიდეო

ვლადიმირ კლიჩკოს ვარჯიშზე ფეხსაცმელი ესროლეს. ინციდენტი ფლორიდაში, სავარჯიშო დარბაზში მოხდა, სადაც მძიმე წონაში მსოფლიო ჩემპიონი კლიჩკო ავსტრალიელ ალექს ლეაპაისთან საბრძოლველად ემზადებოდა. დარბაზში ამ დროს ყოფილი ჩემპიონი შენონ ბრიგსი შევიდა, რომელმაც ყვირილი ატეხა: "დაე, ყველამ გაიგოს, შენონ ბრიგსი დაბრუნდა. აქ მეც ვვარჯიშობ. სადაც წახვალ, იცოდე, მეც იქ ვიქნები!" - საჩხუბრად იწვევდა ბრიგსი კლიჩკოს. შემდეგ კი ფეხსაცმელი ესროლა მას. "ამ ფეხსაცმელს გაჭმევ" - ასე გამოეხმაურა მსოფლიო ჩემპიონი აგრესიას, თუმცა არც წამომდგარა და ბრიგსისთვის ანგარიშის გასწორება არც უცდია.