მურატ ილდირიმის მოწოდება ქართულ ენაზე ლეიკემიით დაავადებული ბავშვების დასახმარებლად +ვიდეო

ცნობილი თურქი მსახიობი, იუნესკო-ს კეთილი ნების ელჩი მურატ ილდირიმი თბილისს სტუმრობს. მსახიობი საქართველოში საქველმოქმედო ორგანიზაციის, "დიმიტრი ცინცაძის სახელობის ფონდის" მოწვევით იმყოფება. ცნობილი მსახიობი მეზობელ ქვეყანაში ლეიკემიით დაავადებული ბავშვების დასახმარებლად ჩამოვიდა. ერთდღიანი ვიზიტის ფარგლებში, მურატ ილდირიმი იაშვილის სახელობის ბავშვთა ცენტრალურ საავადმყოფოში ლეიკემიითა და სოლიდური სიმსივნეებით დაავადებულ ბავშვებს მოინახულებს, საღამოს კი საქველმოქმედო ვახშამს დაესწრება, რომელზეც ხელისუფლების წარმომადგენლები არიან მიწვეულნი.