თინა კანდელაკი "შპარგალკების" წინააღმდეგ - ტელეწამყვანი სოციალურ რეკლამაში გადაიღეს +ვიდეო

გამოცდების მოახლოებასთან დაკავშირებით, ტელეწამყვანმა თინა კანდელაკმა რუსეთის განათლების სამინისტროს სოციალურ რეკლამაში მიიღო მონაწილეობა, რომელმაც მოსწავლეები უნდა დაარწმუნოს, რომ საგნის სწავლა გაცილებით მარტივია, ვიდრე "შპარგალკის" დამზადება.

ვიდეორგოლში "შპარგალკების" ზედმიწევნით დამზადებაა ნაჩვენები, რომელსაც თანამედროვე მასწავლებელი კანდელაკი სუპერთანამედროვე ინტერაქტიული სათვალით, Google Glass-ით მარტივად აღმოაჩენს. შემდეგ კი მოსწავლეებს საკუთარი საფირმო რეჩიტატივით ეუბნება, რომ "შპარგალკის" დამზადებისთვის საჭირო საშუალო დრო 2 დღეს, 18 საათს, 36 წუთს, 17 წამს და 743 მილიწამს შეადგენს და სვამს კითხვას - უფრო მარტივი ხომ არ არის ამ დროის საგნის სწავლისთვის გამოყენება.