ჩინელმა მეფუტკრემ თაფლი წაისვა და მთელი სხეული ფუტკრებით დაიფარა +ვიდეო

ჩინელმა მეფუტკრემ, რუან ლიანმინმა მსოფლიო რეკორდი დაამყარა - ის მთელი საათი ფუტკრებით დაფარული გაუნძრევლად იჯდა. მეფუტკრემ ტანზე თაფლი წაისვა, მერე კი სკასთან ისე დაჯდა, რომ სახე არაფრით დაუფარავს. თანაშემწეებმა თავზე ასობით ფუტკარი დააყარეს. მწერებმა მეფუტკრე წელამდე დაფარეს - ასეთ მდგომარეობაში ლიანმინმა 53 წუთი და 34 წამი გაატარა და 2012 წელს დამყარებული წინა რეკორდი მოხსნა, რომელიც სულ რაღაც ოცი წუთი იყო.

თვითონ მეფუტკრე თავისი მიღწევით მაინდამაინც არ ამაყობს, რეკორდის მერე ისიც კი თქვა, უბრალოდ დავიღალე ჯდომით და ფუტკრების გამუდმებული ფუთფუთითო. რუან ლიანმინი უკვე 19 წელია მეფუტკრეობას ეწევა და ამ დროის განმავლობაში ფუტკრის შხამის მიმართ იმუნიტეტი გამოუმუშავდა. ამიტომ 50 თუ 100 ნაკბენს მისთვის არაფერია.