"ჰერიო, ბიჭებო!" - ყველაზე ემოციური სიმღერა ქართულ ტელესივრცეში, ლევანისა და ნინის შესრულებით +ვიდეო

26 მაისს ტელეკომპანია "იმედის" ეთერში მეგა-შოუ "ორი ვარსკვლავის" ფინალი გაიმართა. ლევან ჯავახიშვილისა და ნინი წიკლაურის წყვილმა მაყურებელს გია ყანჩელის სიმღერა "ჰერიო, ბიჭებო" შესთავაზა. დუეტმა სიმღერა საქართველოს შეიარაღებულ ძალებს მიუძღვნა. მათ ემოციურ შესრულებას დარბაზში შეკრებილი ქართველი სამხედროები გულშემატკივრობდნენ. სიმღერის დასრულების შემდეგ ლევან ჯავახიშვილმა ისინი სცენაზე მიიწვია. მაყურებელმა ემოცია ვერ დამალა და ბევრს თვალზე ცრემლი მოადგა, მათ შორის, ინგა გრიგოლიას. დარბაზში ოვაცია არ წყდებოდა. დუეტს ჟიური ფეხზე წამოუდგა. წყვილმა ჟიურის უმაღლესი შეფასება (10,10,10,10) - 40 ქულა დაიმსახურა.