"საქართველოს ნაკრები სერიოზული მეტოქეა" - კასილიასის, ხავის და ვისენტე დელ ბოსკეს პრესკონფერენცია
ესპანეთის ეროვნული ნაკრების ფეხბურთელებმა და ნაკრების მწვრთნელმა საქართველო-ესპანეთის მატჩის წინ სასტუმრო "რედისონში" პრესკონფერენცია გამართეს.
როგორც ესპანეთის ნაკრების კაპიტანმა იკერ კასილიასმა აღნიშნა, საქართველოსთან თამაშისთვის ვისენტე დელ ბოსკეს გუნდი ძალიან მოტივირებულია.
"ჩვენ სურვილი გვაქვს, ეს შეხვედრა წარმატებით დავასრულოთ. ძალიან საინტერესო თამაში გამოვა. ხვალინდელი მატჩი ძალიან მნიშვნელოვანია და აქ გამარჯვება წინ გადადგმული ნაბიჯი იქნება მსოფლიოს ჩემპიონატზე მოსახვედრად. ჩვენ ხვალ სამ ქულას ვგეგმავთ", - განაცხადა იკერ კასილიასმა.
მისივე თქმით, ესპანელები ქართველი ფეხბურთელებიდან სამ ფეხბურთელს გამოყოფენ. "ეს არის ლორია, ანანიძე და ოქრიაშვილი. ჩვენ ვნახეთ მათი თამაში და მათ გამოვარჩევდით", - აღნიშნა კასილიასმა.
ხავის თქმით კი, საქართველოს ნაკრები სერიოზული მეტოქეა და მისი გუნდის წევრები ეცდებიან, რომ ბოლომდე დაიხარჯონ.
საქართველოს ნაკრები ერთ-ერთი ყველაზე მზარდი გუნდია, რომელიც ძალიან კარგ ნაბიჯებს დგამს სამომავლოდ, - ამის შესახებ პრესკონფერენციაზე ესპანეთის ნაკრების მთავარმა მწვრთნელმა ვისენტე დელ ბოსკემ განაცხადა.
მისივე თქმით, ნაკრების ხვალინდელ შემადგენლობაში, თუ საჭირო იქნება, ჩართავს ძირითად ბირთვსაც, რათა გუნდის წარმატება ეჭვქვეშ არ დადგეს.
2014 წლის მსოფლიოს ჩემპიონატის მორიგ შესარჩევ მატჩში საქართველოს ნაკრები ესპანელებს ხვალ შეხვდება. თამაში "დინამო არენაზე" 21:30 საათზე დაიწყება.
ავტორი: ლექსო ნაბახტეველი
იხილეთ: საქართველოსა და ესპანეთის ეროვნული ნაკრებების წინასამატჩო ვარჯიშები
როგორც ესპანეთის ნაკრების კაპიტანმა იკერ კასილიასმა აღნიშნა, საქართველოსთან თამაშისთვის ვისენტე დელ ბოსკეს გუნდი ძალიან მოტივირებულია.
"ჩვენ სურვილი გვაქვს, ეს შეხვედრა წარმატებით დავასრულოთ. ძალიან საინტერესო თამაში გამოვა. ხვალინდელი მატჩი ძალიან მნიშვნელოვანია და აქ გამარჯვება წინ გადადგმული ნაბიჯი იქნება მსოფლიოს ჩემპიონატზე მოსახვედრად. ჩვენ ხვალ სამ ქულას ვგეგმავთ", - განაცხადა იკერ კასილიასმა.
მისივე თქმით, ესპანელები ქართველი ფეხბურთელებიდან სამ ფეხბურთელს გამოყოფენ. "ეს არის ლორია, ანანიძე და ოქრიაშვილი. ჩვენ ვნახეთ მათი თამაში და მათ გამოვარჩევდით", - აღნიშნა კასილიასმა.
ხავის თქმით კი, საქართველოს ნაკრები სერიოზული მეტოქეა და მისი გუნდის წევრები ეცდებიან, რომ ბოლომდე დაიხარჯონ.
საქართველოს ნაკრები ერთ-ერთი ყველაზე მზარდი გუნდია, რომელიც ძალიან კარგ ნაბიჯებს დგამს სამომავლოდ, - ამის შესახებ პრესკონფერენციაზე ესპანეთის ნაკრების მთავარმა მწვრთნელმა ვისენტე დელ ბოსკემ განაცხადა.
მისივე თქმით, ნაკრების ხვალინდელ შემადგენლობაში, თუ საჭირო იქნება, ჩართავს ძირითად ბირთვსაც, რათა გუნდის წარმატება ეჭვქვეშ არ დადგეს.
2014 წლის მსოფლიოს ჩემპიონატის მორიგ შესარჩევ მატჩში საქართველოს ნაკრები ესპანელებს ხვალ შეხვდება. თამაში "დინამო არენაზე" 21:30 საათზე დაიწყება.
ავტორი: ლექსო ნაბახტეველი
იხილეთ: საქართველოსა და ესპანეთის ეროვნული ნაკრებების წინასამატჩო ვარჯიშები
2 026 ნახვა
11-09-2012, 03:23
