თბილისის ზოოპარკის ისტორიაში პირველად ლომის ბოკვერები დაიბადნენ

სიმბა და ნალა 9 სექტემბერს სამი ბოკვერის მშობლები გახდნენ. მათთვის პირველი შთამომავლობა თბილისის ზოოპარკის ისტორიაშიც პირველია. ამ ვოლიერში მობინადრე ტყუპებზე დედა და მამა მზრუნველობას იჩენენ და მთელი დღის განმავლობაში დარაჯობენ.

პატარებს ყველა საჭირო პროცედურა ჩაუტარდათ და ახლა თავს კარგად გრძნობენ. ისინი ვეტერინარების მუდმივი მეთვალყურეობის ქვეშ იმყოფებიან. თბილისის ზოოპარკის ახალდაბადებული ბინადრების ნახვას ზოოპარკის სტუმრები რამდენიმე კვირაში შეძლებენ.