ფილიპინებში გოგონამ საკუთარ დაკრძალვაზე გამოიღვიძა +ვიდეო

Philippines Star-ის ცნობით, ფილიპინებში 3 წლის გოგონამ საკუთარ დაკრძალვაზე გამოიღვიძა. პოლიციის განცხადებით, ციებ-ცხელებით დაავადებული გოგონა პარასკევს ადგილობრივ საავადმყოფოში გადაიყვანეს. შაბათს კი ექიმებმა პაციენტის გარდაცვალების კონსტატაცია მოახდინეს.

კვირას ეკლესიაში პანაშვიდის გადასახდელად მზადებისას მეზობელმა სასახლეს სახურავი ახადა და შეამჩნია, რომ ბავშვმა თავი გაანძრია. პულსის შემოწმებამ დაადასტურა, რომ გოგონა ცოცხალია. მშობლებმა ბავშვი გამოსაკვლევად საავადმყოფოში გადაიყვანეს.

ამ დროისათვის გოგონა იმყოფება სახლში მშობლებისა და მედდების ზედამხედველობის ქვეშ. მშობლები გოგონასათვის კვალიფიცირებულ სამედიცინო პერსონალს ეძებენ.