ჩოხით და ქართული ცეკვით ყინულზე - 14 წლის ქართველი მოციგურავე საერთაშორისო ტურნირზე +ვიდეო
2 462 ნახვა
ლუბლიანაში იუნიორებს შორის ფიგურულ სრიალში საერთაშორისო ტურნირი მიმდინარეობს. საქართველოს სახელით ჭაბუკებს შორის მონაწილეობას 14 წლის ირაკლი მაისურაძე იღებს, რომლის მწვრთნელები ვლადიმირ კოტინი და სერგეი დავიდოვი არიან. მოკლე პროგრამა დამწყებმა მოციგურავემ ქართულ ხალხურ მელოდიებზე წარმოადგინა, ყინულზე ჩოხით გამოვიდა და ქართული ცეკვის ილეთები შეასრულა. თუმცა, რამდენიმე სერიოზული შეცდომა დაუშვა და 42.08 ქულით მე-17 ადგილზეა. პირველზე ჯერჯერობით ალეხანდერ პეტროვია 74.59 ქულა, მეორეზე ჩინელი ბოიჯანგ ჯინი 72.21 ქულა და მესამეზე კანადელი ენტონი კანი 61.10 ქულა.
