რას პასუხობს "ფლეიბოის" მოდელად ქცეულ მედავითნეს მისი მოძღვარი +ვიდეო

ფლეიბოის" მოდელად ქცეული მედავითნის, თამუნა ვაშალომიძის კომენტარს მისი მოძღვარი, თბილისის წმინდა ანტონ მარტყოფელის წინამძღვარი მამა ანტონი "ქართული არხის" ეთერით ეხმაურება. მისი თქმით, ეკლესიის ყოფილი მედავითნის საქციელს გმობს, რადგანაც მან ტელევიზიაც და ეკლესიაც მოატყუა. "მე ყოველთვის დავგმობ ასეთ მიმართებას, როდესაც პიროვნება, იქნება ის მრევლი თუ არა, ეკლესიას თავისი მიზნებისთვის გამოიყენებს. ამისთვის, შესაძლოა, პიროვნებამ ბოდიშიც მოიხადოს ტელევიზიისა და ხალხის მისამართით", - ამბობს მამა ანტონი.

23 წლის თამუნა ვაშალომიძე რუსული "ფლეიბოის" დასაპყრობად ემზადება. წარსულში იგი მედავითნედ 4 წელი მუშაობდა და 16 წლის ასაკში მონასტერში დარჩენასაც აპირებდა. საკუთარი გეგმებისა და წარსული ცხოვრების შესახებ სექსუალურმა მოდელმა "იმედის კვირის" ეთერში გულახდილად ისაუბრა და აღნიშნა, რომ მისმა მოძღვარმაც იცოდა მისი საქმიანობის შესახებ და ახლა პირდაპირ ეთერშიც ადევნებდა თვალს.