,,იარაღს ჩაგიდებთო... მოვიდა თამაზაშვილი და... მინისტრი საქმის კურსშიაო“ – (ვიდეო)

საქართველოს ახალგაზრდა იურისტთა ასოციაციის განცხადებით უკრაინიდან საქართველოს მოქალაქე გიორგი ბერიძე ორგანიზაციას დაუკავშირდა, რომელიც საქართველოს ფარგლებს გარეთ იძულებით იმყოფება. განცხადებაში ნათქვამია, რომ მოქალაქეს საქართველოს დატოვება აიძულეს, წინააღმდეგ შემთხვევაში კი მას იარაღის ჩადებით დაემუქრნენ.
მოქალაქე გიორგი ბერიძე, რომელიც რამდენიმე წლის წინ ქურდული სამყაროს წევრობისთვის სასჯელს იხდიდა დღეს ის საქართველოში დაბრუნდა. გიორგი ბერიძის განმარტებით, ის ჩამოსვლისთანავე მიიყვანეს აჭარის შსს სამმართველოში და როგორც ნასამართლევ პირს, ქვეყნის დაატოვება მოსთხოვეს. ,,არანაირი განმარტება, თუ არ დატოვებთ საქართველოს ჩაგიგდებთ იარაღსო. 5 სექტემბრის მერე ჩამოდიო. ჩამოვედი 7 სექტემბერს, დამიჭირეს აქ და თურქეთში გადამაგზავნეს. არ იცხოვრებ საქართველოშიო - ეს იყო მაგათი პასუხი... მოვიდა თამაზაშვილი და შეიქმნა ეს პრობლემები... მინისტრი პირადად არის საქმის კურსშიო, მინისტრის გარეშე არაფერი არ ხდებაო“ - აცხადებს გიორგი ბერიძე.

ბერიძის თქმით, მას იარაღის ჩადებით აჭარის მთავარი სამმართველოს უფროსის მოადგილე, ლევან ხარაბაძე, დაემუქრა.

საია მოუწოდებს პროკურატურას აღნიშნულ ფაქტთან დაკავშირებით გამოძიება დაიწყოს.