ანდრეს ინიესტას თავბრუდამხვევი ფინტები

ესპანეთის ნაკრებისა და კატალონიის "ბარსელონას" ნახევარმცველი ანდრეს ინიესტა თანამედროვე ფეხბურთის ერთ-ერთ საუკეთესო მოთამაშედ ითვლება.

ესპანელმა ჰავბეკმა სეზონი ბრწყინვალედ დაასრულა. ის ევროპის 2012 წლის ჩემპიონი გახდა. შეგახსენებთ, რომ აქამდე ზედიზედ ევროპის პირველობა არავის მოუგია. ინიესტამ ესპანეთის ნაკრებთან ერთად ზედიზედ სამი საერთაშორისო ტურნირი მოიგო: ევრო 2008, მსოფლიოს 2012 წლის ჩემპიონატი და ევრო 2012.

გარდა ამისა, "ბლაუგრანას" ნახევარმცველი ევრო 2012-ზე საუკეთესო ფეხბურთელად დაასახელეს. ფეხბურთს თავი რომ დავანებოთ, ინიესტამ ერთი კვირის წინ ცოლი მოიყვანა. მისი რჩეული ანა ორტისი გახდა.

ინიესტა საკუთარი სათამაშო სტილითა და ფინტებით ბევრ ადამიანს აოცებს. ხშირ შემთხვევაში ესპანელი ისეთ სიტუაციებიდან პოულობს გამოსავალს, სადაც ბევრ სხვა ფეხბურთელს, უბრალოდ, ვერაფერი გამოსდის.