ძლიერი წვიმის გამო გორი წყალს მიაქვს - ვიდეომასალა სტიქიის ადგილიდან

გორში ძლიერმა წვიმამ ქალაქის ქუჩები, მაღაზიები და მიწისქვეშა გადასასვლელები დატბორა. როგორც ”ინტერპრესნიუსის” კორესპონდენტი ადგილიდან იუწყება, ქალაქის ცენტრალურ მოედანზე მდებარე მიწისქვეშა გადასასვლელი თითქმის ერთი მეტრის სიმაღლეზე წყლით სავსეა. მიწისქვეშა გადასასვლელში მყოფებმა ერთმანეთის დახმარებით მოახერხეს წყლის ნაკადისთვის თავის დაღწევა. აღნიშნულ ტერიტორიაზე არსებული მაღაზიების მეპატრონეები აცხადებენ, რომ სავაჭრო ობიექტები წყლით გაივსო.
ქალაქის სხვადასხვა უბანში სამაშველო და კეთილმოწყობის სამსახურები ერთდროულად მუშაობენ.