კალათბურთის მწვრთნელმა საყვარელ ქალს ხელი ორიგინალურად სთხოვა

მიჩიგანის მეორე დივიზიონის საკალათბურთო გუნდი სეზონის დაწყებას აღნიშნავდა, როდესაც მოედანზე გუნდის თილისმა გამოვიდა და სხვა მონაწილეებთან ერთად ცეკვის შეჯიბრში ჩაერთო. საბოლოოდ შეჯიბრი ფრედ დასრულდა და გუნდის თილისმამ სკოლის საცეკვაო გუნდის მწვრთნელთან, ლინაია ჰასთან ერთად იცეკვა. თუმცა ჰასმა არ იცოდა, რომ თილისმის კოსტიუმში გამოწყობილი მამაკაცი სინამდვილეში კალათბურთის გუნდის მწვრთნელის ასისტენტი და მისი შეყვარებული კრეიგ ჰეზერლი იყო.

ჰეზერლიმ ცეკვისას ტრავმა მოიმიზეზა. როდესაც ჰასი მასთან დასახმარებლად მივიდა, მამაკაცმა კოსტიუმი გაიხადა და ამაღელვებელი სიტყვის წარმოთქმის შემდეგ ლინაიას ხელი ოფიციალურად სთხოვა.