რუმინეთი დაინტერესებულია პირდაპირი საზღვაო კავშირის დამყარებით

რუმინეთი დაინტერესებულია პირდაპირი საზღვაო კავშირის დამყარებით ანაკლიასა და რუმინეთის უდიდეს პორტს, კონსტანცას შორის - ამის შესახებ განცხადება ლუქსემბურგში რუმინეთის საგარეო საქმეთა მინისტრმა გააკეთა. თეოდორ მელეს-კანუს თქმით, ანაკლიის ღრმაწყლოვან პორტს დიდი მნიშვნელობა ექნება შავი ზღვის რეგიონისთვის.

„ანაკლიის ღრმაწყლოვანი პორტი, რა თქმა უნდა, საინტერესო იქნება რუმინეთისთვის. ანაკლია ერთ-ერთ ყველაზე მნიშვნელოვან პორტს წარმოადგენს. უნდა ვაღიარო, რომ ძალიან დაინტერესებულები ვართ პირდაპირი კავშირის დამყარებით ანაკლიასა და კონსტანცას პორტებს შორის. ეს ორმხრივი პროექტია და რუმინეთი საკუთარ წვლილს შეიტანს შავი ზღვის ეკონომიკის განვითარებაში,“- განაცხადა თეოდორ მელეს-კანუსმა.