პაპარაცის კეიტ მიდლტონის გადაღებისთვის ციხეში ჩასვამენ

მსოფლიო პრესა წერს, რომ პაპარაცის, რომელმაც ნახევრადშიშველი კეიტ მიდლტონი გადაიღო, ციხე ემუქრება. შეგახსენებთ, რომ სკანდალში სამეფო ოჯახის წევრები მას შემდეგ გაეხვივნენ, რაც ფრანგულმა ტაბლოიდმა „Closer“-მა თავის გვერდებზე კეიტისა და უილიამის ფოტოები გამოაქვეყნა, რომელიც წყვილის დასვენების დროს არის გადაღებული. სურათებში მიდლტონი ტოპლეს გარუჯვისას დააფიქსირეს. ამ ინციდენტის შემდეგ, ბრიტანეთის სამეფო კარის წარმომადგენელმა განაცხადა, რომ ფოტოები კერძო ტერიტორიაზე იქნა გადაღებული, ამიტომ პაპარაციმ, რომელმაც ისინი გამოცემას გადასცა, თავისი საქციელისთვის კანონის მიხედვით დაისჯება. ცნობილი გახდა, რომ საფრანგეთის სამართალდამცავმა ორგანოებმა ფოტოგრაფის ვინაობა უკვე დაადგინეს. მანამდე „Closer“-ის ხელმძღვანელობამ ინფორმაციის გაცემაზე უარი განაცხადა და მხოლოდ ის აღნიშნა, რომ ეს ადამიანი მათი რედაქციის შტატში არ ირიცხება. სავარაუდოდ, ამ საქმეს სასამართლო გარჩევა მოჰყვება. პრესა იუწყება რომ, ფოტოგრაფს შესაძლოა, ერთ წლამდე პატიმრობა და ჯარიმის სახით, 60 ათასი დოლარის გახდა ელის.