რეპერმა პატიმრების მიმართ სოლიდარობის ნიშნად საშინელი პროცედურა ჩაიტარა +ვიდეო

ამერიკელი რეპერი Mos Def გუანტანამოს ციხის პატიმრებს სოლიდარობას უცხადებს. შეგახსენებთ, რომ ამ ციხეში აშშ-ს მთავრობას ტერორიზმში ეჭვმიტანილი პირები ჰყავს დაკავებული. ამჟამად ციხეში 106 მსჯავრდებული იმყოფება, რომლებიც პროტესტის ნიშნად შიმშილობენ. პატიმართაგან 44 პირი იძულებითი კვების რეჟიმზე ჰყავთ გადაყვანილი: საკვებს მათ ცხვირში დამაგრებული მილის საშუალებით აწვდიან.

სწორედ ეს უსიამოვნო პროცესი განასახიერა რეპერმა ვიდეოში, რომელიც უფლებადამცველი ორგანიზაციის დახმარებით შეიქმნა. იძულებითი კვების შემდეგ რეპერმა საზოგადოებას საკუთარი შთაბეჭდილებები გაუზიარა.

წყარო