14 წლის მუსიკოსით გაოგნებული ჟიურის წევრი მაგიდაზე ავიდა + ვიდეო

ავსტრალიური X Factor-ის მეხუთე სეზონი საკმაოდ შთამბეჭდავად დაიწყო. ჟიურის წინაშე 14 წლის მომღერალი და კომპოზიტორი ჯაი უეიტფორდი წარსდგა, რომელმაც ჯეს ჰადაკის სიმღერა Different Worlds შეასრულა. ჟიურისთვის იმდენად მოულოდნელი იყო პატარა ბიჭის საოცარი ხმის მოსმენა, რომ მომღერალ რონან კიტინგს ხელიდან კალამი გაუვარდა, ჟიურის ერთადერთი ქალბატონი დანი მინოუგი კი პირდაღებული უსმენდა ჯაის.

სიმღერის დასრულების შემდეგ რონან კიტინგმა ჯაის სთხოვა თავისი დაწერილი სიმღერა შეესრულებინა. ბიჭმა საკუთარი სიმღერა Don't Let Me Go იმღერა. Take That-ის ყოფილი სოლისტი ემოციისგან მაგიდაზე ახტა: "ეს დაუჯერებელია" - ყვიროდა კიტინგი. 14 წლის მუსიკოსი ჟიურიმ ერთხმად გადაიყვანა მომდევნო ტურში.