ბიონსე ფანმა სცენიდან ჩაათრია +ვიდეო

პოპ-დივა ბიონსე მსოფლიო ტურნეს - "Mrs. Carter World Tour" ფარგლებში, ბრაზილიაში, სან პაულოში იმყოფება, სადაც 15 სექტემბერს კონცერტი გამართა. სცენაზე შოუს მიმდინარეობისას მცირე ინციდენტი მოხდა. სიმღერა Irreplaceable-ის შესრულების დროს ბიონსე ფანებს მიუახლოვდა და სცენის კუთხეში დაიხარა, რა დროსაც ახალგაზრდა ბიჭმა, რომელიც წელზემოთ შიშველი იყო, ხელი მოჰკიდა თავის კუმირს და დარბაზში ჩაათრია.

დაცვამ სწრაფად მოახდინა რეაგირება და ვარსკვლავი კვლავ სცენაზე ამოიყვანა. მომღერალმა მომხდარი არ შეიმჩნია და სიმღერა განაგრძო. გამოსვლის დასრულების შემდეგ ბიონსემ დაცვას მიმართა, რომ გიჟი ფანი, რომელსაც დარბაზიდან გაყვანას უპირებდნენ, დაეტოვებინათ. მოგვიანებით კი მასთან მივიდა და ხელიც ჩამოართვა.