ირაკლი ფირცხალავას ეგზოტიკური ”ქართული” და დიანა ღურწკაიას ამაღელვებელი ”ვალსი”- რუსულ შოუში ”ცეკვავენ ვარსკვლავები” (+ ვიდეო)

ტელეარხი ”იმედის” ახალი პროექტი ”ცეკვავენ ვარსკვლავები” მსოფლიოს სხვადასხვა ქვეყანაში უკვე დიდი ხანია ერთ-ერთ წარმატებულ შოუდ ითვლება.

სელებრითები გულმოდგინედ ეუფლებიან ცეკვის სხვადასხვა სტილს და ყოველკვირა პროფესიონალ მოცეკვავეებთან ერთად ჟიურის წინაშე ახალ-ახალი ნომრით წარდგებიან ხოლმე. კონკურსის პირობები ყველა ქვეყანაში სტანდარტულია: ჟიურის შეფასება, პლუს მაყურებლის SMS-ები.

ჩვენს მეზობელ ქვეყანაში, რუსეთში, პოლიტიკური მტრობის მიუხედავად, დღესაც წარმატებით მოღვაწეობენ სხვადასხვა სფეროში ქართველები. შესაბამისად, შოუს ”ცეკვავენ ვარსკვლავები” რუსულ ვარიანტში ვარსკვლავისა თუ პროფესიონალი მოცეკვავის ამპლუაში ჩვენი თანამემამულეებიც გვევლინებიან.

გთავაზობთ რამდენიმე ვიდეოს რუსული კონკურსიდან, რომელშიც ქართველები მონაწილეობენ. ამჯერად კომპეტენტური ჟიურის ამპლუაში თქვენ, ჩვენი საიტის ვიზიტორები იქნებით. ველით თქვენს კომენტარებსა და შეფასებებს.