ნიკოლ შერზინგერმა ყველა დაშოკა - მომღერლის დუეტი X Factor-ის კონკურსანტთან
2 304 ნახვა
ბრიტანული X Factor-ის მეათე სეზონი დასასრულს უახლოვდება. 14 დეკემბერს გაიმართა ფინალი, სადაც დარჩენილი სამი კონკურსანტი გამოვიდა სცენაზე. თითოეულმა მათგანმა სამ-სამი სიმღერა იმღერა. წესების მიხედვით, სამიდან ერთი სიმღერა კონკურსანტებს ცნობილ მომღერლებთან ერთად უნდა შეესრულებინათ. მწვრთნელ შერონ ოსბორნის გუნდის წევრი სემ ბეილი წესით სელინ დიონთან ერთად უნდა გამოსულიყო, მაგრამ ცნობილმა მომღერალმა მოუცლელობის გამო მონაწილეობაზე უარი განაცხადა. ამიტომ შერონმა დახმარება კოლეგას, ჟიურის წევრ ნიკოლ შერზინგერს სთხოვა და ბეილისთან ერთად სცენაზე ის გამოვიდა. მომღერლებმა ჯენიფერ ჰოლიდეის And I'm Telling You შთამბეჭდავად შეასრულეს და ბევრი აპლოდისმენტი დაიმსახურეს. ვინ გახდება ბრიტანული X Factor-ის გამარჯვებული, 15 დეკემბერს, საღამოს გაირკვეა.
