მუსიკალური ალბომი 'მე ვხედავ მზეს' - ემოციური პრეზენტაცია 'ბრავო რექორდსში +ვიდეო
2 359 ნახვა
"მე ვხედავ მზეს" - უნიკალური მუსიკალური პროექტი დასრულებულია. CD-ალბომის პრეზენტაცია დღეს "ბრავო რექორდსში" გაიმართა. პროექტი, რომელშიც მონაწილეობას შეზღუდული შესაძლებლობის მქონე პირები და ცნობილი მომღერლები იღებდნენ, დაახლოებით ერთი თვის წინ დაიწყო.
მუსიკალურ ალბომში "მე ვხედავ მზეს" 10 სასიმღერო კოლაბორაციაა შესული. მოზარდები ცნობილ მომღერლებთან ერთად როგორც ქართულ, ასევე უცხოურ სიმღერებს ასრულებენ. ალბომის დიზაინზე შეზღუდული შესაძლებლობების მქონე ახალგაზრდა მხატვარმა ლექსო ფოდიაშვილმა ცნობილ მხატვარ გია გუგუშვილთან ერთად იმუშავა.
პროექტის მიზანი მუსიკალური ნიჭით დაჯილდოებული შეზღუდული შესაძლებლობების მქონე ახალგაზრდების საზოგადოებრივ ცხოვრებაში ინტეგრაციაა. პროექტი სპორტისა და ახალგაზრდობის სამინისტროს ინიციატივითა და მხარდაჭერით "ბრავო რექორდსმა" განახორციელა. მუსიკალური პროექტის სპონსორები კლინიკა "თალიზი" და "ქეი-ეს-ნი ნანკი" არიან.
