ქალებს მამაკაცებზე მაღალი IQ მაჩვენებელი აქვთ

დავა, ვინ უფრო ჭკვიანია, ქალი თუ კაცი, ჯერ კიდევ სკოლის მერხიდან იწყება და ასაკის მატებასთან ერთად სულ უფრო აქტუალური ხდება.

ას წელზე მეტია, რაც ნობელის პრემია არსებობს, იგი 826 ადამიანმა მიიღო, აქედან 43 ქალია. თავის სასარგებლოდ მამაკაცები ამ არგუმენტს ხშირად იყენებენ, ამტკიცებენ, რომ სწორედ ისინი, ძლიერი სქესის წარმომადგენლები, გაცილებით ინტელექუალები არიან, ქალის ადგილი კი სამზარეულოშია.

ცოტა ხნის წინ, მეცნიერებმა გამოაქვეყნეს კვლევის შედეგები, რომელმაც უარყო სტერეოტიპი, რომ მამაკაცები ქალებზე ჭკვიანები არიან. სინამდვილეში, სტატისტიკის თანახმად, IQ (Intelligence Quotient – ინტელექტის კოეფიციენტი) ქალებს უფრო მაღალი აქვთ.

შეგახსენებთ, IQ ტესტი მე–20 საუკუნის დასაწყისში შექმნეს. ინტელექტუალის IQ მაჩვენებელი 130–ს აღემატება. საშუალო მაჩვენებელი კი 100 ქულაა.

ბოლო დრომდე, ქალების IQ მაჩვენებელი მამაკაცებისას ჩამორჩებოდა. თუმცა, უკანასკნელი კვლევების თანახმად, სუსტმა სქესმა ინტელქეტტის კოეფიციენტით ძლიერს აჯობა. დროთა განმავლობაში ადამიანების საშუალო IQ–ს დონე იზრდება, მაგრამ ქალების მაჩვენებელი უკანასკნელი ათწლეულის განმავლობაში განსაკუთრებულად სწრაფად განვითარდა.

როგორც მკვლევარები აცხადებენ, ამგვარი შედეგების ძირითადი მიზეზი, მულტიამოცანური ცხოვრების სტილია (ქალები ცდილობენ კარიერა დიასახლისის მოვალეობას შეუთავსონ). ერთდროულად რამდენიმე დეტალზე უწევთ ყურადღების გამახვილება, ასეთი დატვირთვა კი ტვინის განვითარებაზე პოზიტიურად მოქმედებს. მეცნიერები აღნიშნული საკითხის უფრო ღრმად შესწავლას გეგმავენ, რათა სრულყოფილად დაასაბუთონ მონაცემები.