ვალენტინობას ჩასახულ ბავშვს გაფანტული სკლეროზი არ ემუქრება

თურმე შეყვარებულთა დღეს ჩასახული ბავშვები გაცილებით იშვიათად იტანჯებიან გაფანტული სკლეროზით. ეს ფაქტი ახალმა გამოკვლევამ ცხადყო, რომელიც ბრიტანულმა საქველმოქმედო ორგანიზაციამ Shift.ms-მა ჩაატარა.

როგორც ცნობილი გახდა, ის ქალები, რომელთა ორსულობა ზაფხულის პერიოდს ემთხვევა, გაცილებით მეტ D ვიტამინს იღებს მზის აქტივობის შედეგად, რაც დადებით გავლენას ახდენს მომავალი ბავშვის იმუნურ სისტემაზე.

ეს იმას ნიშნავს, რომ ნოემბერში დაბადებულ ბავშვებს გაცილებით ნაკლები შანსი აქვთ, ქრონიკული დაავადებები აიკიდონ, იმათთან შედარებით, ვინც მაისში დაიბადა.

გაფანტული სკლეროზი, რომლითაც მხოლოდ დიდ ბრიტანეთში თურმე 100 ათასამდე ადამიანი იტანჯება, ყველაზე გავრცელებული ნევროლოგიური დაავადებაა ახალგაზრდებს შორის.

სწორედ ამის გამო გადაწყვიტა ორგანიზაციამ, რომ საზოგადოებას შესაბამისი ინფორმაცია მიაწოდოს. იმისათვის, რომ ბავშვი ნოემბერში დაიბადოს, ის თებერვალში უნდა ჩაისახოს.

თებერვალში კი ყველაზე ლამაზი და ''შესაფერისი'' დღე 14 თებერვალი, ვალენტინობაა. ასე რომ, სანამ 14 თებერვალი არ დამთავრებულა, ჯერ კიდევ გაქვთ დრო!!!

რეიტინგი