რა ძვირფასი საჩუქრებით დააჯილდოვებენ "ოსკარის" ცერემონიალზე?

მსახიობებისთვის "ოსკარის" ჯილდოზე ძვირფასი არაფერი არსებობს, მაგრამ მათთვის, ვინც ამ ნომინაციას გამოეთიშება, სიაში არანაკლებ შთამბეჭდავი საჩუქრებია. ვისღა ენდომება "ოსკარი", როდესაც ჰორიზონტზე 55 000 დოლარის ღირებულების ძღვენია? ეს არის დაფასებისა და პატივისცემის გამოხატულება მათ მიმართ, ვინც წელს უმნიშვნელოვანეს ღონისძიებას "წააგებენ" ნომინაციებში: "საუკეთესო მსახიობი ქალი", "საუკეთესო მსახიობი კაცი", "ოსკარი საუკეთესო მსახიობი კაცისთვის - მეორეხარისხოვანი როლი", "ოსკარი საუკეთესო მსახიობი ქალისთვის - მეორეხარისხოვანი როლი", "საუკეთესო რეჟისორი". კომპანია Distinctive Assets-ის წყალობით, საჩუქრებს ყველა მიიღებს.

მათთვის ძვირფასი საათები, სამკაულები და მდიდრული, დაუვიწყარი არდადეგებია მომზადებული. ჟურნალისტებისთვის ზოგიერთი საჩუქრის

სია ცნობილი გახდა: ღვინო, შოკოლადი, შვეიცარული მაჯის საათი, სამაჯურები, მექსიკასა და იაპონიაში მდიდრული შვებულება, სპა მკურნალობა.

"იყო ფილმის ინდუსტრიაში უდიდესი საღამოს მონაწილე, დიდი ბედნიერებაა. ყოველთვის ვცდილობთ, ვარსკვლავებს ძვირფასი საჩუქრები მივართვათ. სასიამოვნოა, როდესაც ვიღაცის დღეს ალამაზებ", - განაცხადა მარკეტინგული კომპანიის Distinctive Assets-ის დამფუძნებელმა ლაშ ფერიმ.

მომზადებულია variety.com-ის მიხედვით.